GENESIS 22:1 - Lai (Hakha) Common Language Bible 2006

¹ Cu hnu tlawmpal ah cun Pathian nih Abraham kha a hneksak i, “Abraham,” tiah a ti i Abraham nih, “Bawipa, na chimmi bia ka ngai ko,” tiah a leh.

GENESIS 22:1 交叉參考

GENESIS 15:1

Cu hnuah cun Abram nih langhnak a hmuh i Bawipa bia kha a theih. Bawipa nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

GENESIS 21:11

Hi nih hin Abraham cu a lungre a theihter ngaingai, zeicahtiah Ishmael zong cu a fapa a si ve.

GENESIS 22:11

Bawipa vancungmi nih vancung in a run auh i, “Abraham, Abraham!” tiah a ti. Abraham nih, “Asi, hika ah ka um ko,” tiah a leh.

GENESIS 22:7

Isak nih khan a pa cu, “Ka pa,” tiah a ti i a pa nih cun, “Hawi, ka fapa,” tiah a leh. Isak nih cun, “Mei le thing cu an um, sihmanhsehlaw khanghthawinak ca ding tuufa tah khuazei ah dah a si kun?” a ti.

GENESIS 37:13

Israel nih khan Josef cu a thawh i, “Na ule cu Shekhem ah saṭil kha an khal hna. I tim law an sinah kan thlah lai,” a ti. Josef nih cun, “Kaa tim ko,” tiah a leh.

GENESIS 46:2

Pathian nih Israel cu zan ah langhnak in a chawnh i, “Jakob, Jakob,” a ti i anih nih, “Asi, na salpa nih ka ngaih ko,” tiah a leh.

2 SAMUEL 24:1

Israel mi hna cungah Bawipa thinhunnak cu a alh ṭhan i, “Va kal law, Israel mi le Judah mi vialte kha va rel hna,” tiin David kha an cung i hnahnawhnak tuah awkah a lungthin a thawhter.

2 CHANRELNAK 32:31

Cucaah Babilon bawi hna nih, ram chung i tuahmi hmelchunhnak va hlathlai awk i a sinah an thlahmi lamkal hna kong ah khan, amah cu hneksak awk le a lung chung i a ummi vialte hngalhnak ah, Pathian nih amah tein a thlah ko.

SALM 11:5

Miṭha zong, miṭhalo zong ṭha tein a dothlat hna; zaang-ennak a duhmi kha a thinlung dihlak in a huat hna.

EXODUS 16:4

Bawipa nih Moses cu, “Nan dihlak caah van in rawl ka surter lai. Ni fate in nan chuahhnawh lai i cu ni ca i aa za dingin nan char lai. Kan cawnpiakmi hna kha nan zul maw zul lo ti cu hi ning hin kan hneksak khawh hna lai.

EXODUS 3:4

Bawipa nih a rat kha a hmuh tikah, burbuk chung cun Pathian nih cun a hun auh i, “Moses, Moses” tiah a ti i, “Zeidah?” tiah Moses nih cun a leh.

PHUNGTHLÛKBIA 17:3

Sui le ngun cu mei in hneksak an si, minung lung cu Bawipa nih a hneksak.

ISAIAH 6:8

Cun Bawipa nih, “Ahodah ka fial lai? Ahodah ka lamkal a si lai?” a ti kha ka theih. Kei nih, “Keimah ka kal lai! Ka thlah tuah,” tiah ka leh.

1 KORIN 10:13

Tukforhnak nan cung i a tlungmi hi midang zong nih an in cio tawnmi an si ko. Pathian nih a biakamnak cu a zulh ko lai i nan in khawh leng tiangin tukforhnak cu nan cungah a tlunter lai lo. Tukforhnak nan in tikah in khawhnak thazang an pek hna lai i chuah khawhnak lam zong an serpiak hna lai.

DEUTERONOMI 13:3

cu profet cu siseh mang mantu cu siseh, ahohmanh an bia nan ngai hna lai lo; zeicahtiah Bawipa nan Pathian cu nan lungthin dihlak le nan ruahnak dihlak in nan daw maw ti hngalh awkah Bawipa nan Pathian nih hneksak an del hna a si.

DEUTERONOMI 8:16

ramlak chungah khan nan pupa hna nih an hngalh lomi manna in an cawm hna, a donghnak ah nannih cu ṭhatnak tuahpiak awkah an hneksak hna i thluachuahpek awkah an ṭhumh hna.

DEUTERONOMI 8:2

A nawlbia cu nan ngai lai maw ngai lo dah tinak caah, nan lung chung i a ummi kha hngalh awkah nannih cu harnak in an hneksak hna nakhnga, Bawipa nan Pathian nih hi kum sawm li chung ramlak ah an vahternak hna kha, i cinken ko u.

HEBRU 11:17

Pathian nih Abraham cu a hneksak tikah, a fapa Isak kha raithawinak ah a pekchanhtertu cu zumhnak a si. Pathian nih bia a kamhmi cu Abraham kha a si, sihmanhsehlaw a fapa ngeihchunte pakhat kha raithawinak i pekchanh awkah aa tim kho ko.

JEIM 2:21

Zeitindah kan pu Abraham kha Pathian he remnak a rak hmuh? Isak cu biakṭheng cung i a pekchanh tik i a tuahnak thawngin pei a si kha.

1 PETER 1:7

Hneksaknak nan inmi cu nan zumhnak kha a tak maw tak lo ti hngalhnak caah a si lai. Hrawh khawh a simi thil cu, sui hmanh hi hneksak a hau, cucaah sui nakin let tam piin a sung deuhmi nan zumhnak cu, hneksaknak kha chuak lakin a in khawh nakhnga, hneksak a hau ve. Cun Jesuh Khrih a langh Ni ah cun thangṭhatnak le upatnak le sunparnak kha nan hmuh lai.

BIACEIHTU 2:22

an pupa hna bantuk khan Bawipa lam kha an zul lai maw zul lo tiah Israel mi cu hneksaknak caah annih cu ka hman hna lai,” tiah a ti.

1 SAMUEL 3:4

Cun Bawipa nih, “Samuel! Samuel!” tiah a kawh i anih nih, “Hika ah hin ka um!” tiah a ti.