GENESIS 20:7 - Lai (Hakha) Common Language Bible 2006

⁷ Asinain atu cu minu kha a va sinah kirter ṭhan. A va cu profet a si i thla an campiak lai i na thi lai lo. Sihmanhsehlaw na kirter ṭhan lo ahcun, nangmah le na innchungkhar kha nan thi dih lai, tiah ralrinnak kan pek,” a ti.

GENESIS 20:7 交叉參考

GENESIS 12:15

An bawi pawl nih khan, aa dawh hringhran cu an hmuh i Faro kha an chimh i siangpahrang inn ah khan an kalpi.

GENESIS 12:17

Sihmanhsehlaw Abram nupi Sarai kha a inn ah cun a kalpi ruangah cun Bawipa nih Faro le a inn chung i a ummi vialte hna cu zawtnak a fakmi in dan a tat hna.

GENESIS 2:17

sihmanhsehlaw a ṭha le a ṭhalo hngalhnak pe khotu thingkung a tlai hi cu na ei lai lo. Cu thingthei cu na ei hrimhrim lai lo. Na ei ahcun, na ei ni hrimhrim ah na thi lai,” a ti.

GENESIS 20:3

Cu zan ah cun a mang ah Pathian cu a sinah a lang i, “Sarah hi va ngeimi a si caah nan thi lai,” tiah a ti.

GENESIS 20:8

A thaizing zingkate ah Abimelek nih a sinum vialte kha a kawh hna i hi thil vialte kha a chimh hna i an thin a phang ngaingai.

GENESIS 23:6

Nangmah cu kan lakah a ṭhawngmi bawi pakhat na si; kan ngeihmi thlan lak i a ṭha bik ah na mithi cu vui ko. Ahohmanh nih an ngeihmi thlan cu sianh loin an in um lai lo i na mithi vui cu an in dawn lai lo,” an ti.

2 SAMUEL 24:17

Cun mi a that lentu vancungmi kha a hmuh tikah David nih Bawipa sinah bia a chim i, “Zohhmanh, ka sual cang i ṭhalo ngaiin ka tuah cang; sihmanhsehlaw hi tuu hna nih hin zeidah an tuah? Na kut cu keimah le ka pa innchungkhar cungah si ko seh, tiah kan nawl,” tiah a ti.

1 SIANGPAHRANG 13:6

Cun siangpahrang nih Pathian mi cu a thawh i, “Bawipa na Pathian cu ka nawlpiak law, thla ka campiak tuah, ka kut hi a dam ṭhan nakhnga,” tiah a ti. Cun Pathian mi nih Bawipa cu a nawl i siangpahrang cu a kut kha a dam ṭhan i hmasa i bantuk kha a si ṭhan.

2 SIANGPAHRANG 5:11

Sihmanhsehlaw Naaman cu a thin a hung i a kal i, “Zohhmanh, ka sinah a hung chuak lai i pei a dir lai i a Pathian Bawipa min kha a auh lai i ka thinghmui zawtnak zawn ah khan a kut a zao lai i mithinghmui hi a ka damter lai, tiah ka ruah.

1 CHANRELNAK 16:22

“Chiti ka thuhmi hi tawng hna hlah u, Ka profet hna hi harnak pe hna hlah u,” a ti.

2 CHANRELNAK 30:18

Zeicahtiah mi tampi, Efraim mi, Manasseh mi, Issakhar mi le Zebulun mi tampi hna cu an i thianh lo i asinain a ningcang si lo khan lanhtak puai cu an ei ve ko. Zeitintiah Hezekiah nih annih cu thla a campiak hna i,

JOB 34:19

Bawi kha a duhdanh hna lo i mirum kha misifak hna nakin a upat hlei lomi siangpahrang cu, Nangmah nih sual na phawt ko maw? Zeicahtiah annih cu an dihlak in Pathian sermi an si,

JOB 42:8

Cucaah cawtum pasarih le tuukawng pasarih in i lak hna u law ka sal Job sinah va kal u law nan caah khangh thawinak va pechan u; cun ka sal Job nih thla an campiak hna lai, zeicahtiah ka sal Job nih ka kong ah a dikmi bia a chim bantukin nannih nih nan chim lo ruangah nan hruhnak bantukin nan cungah ka tuah nakhnga lo amah thlacamnak cu ka cohlan lai,” tiah a ti.

SALM 25:14

Bawipa cu a nawl a zulmi hna hawikom a si i a biakam kha a cawnpiak hna.

EXODUS 18:17

Cu tikah Jethro nih cun a leh i, “Na tuahmi hi ahmaan lo.

EXODUS 4:16

Nangmah aiawh in mi zapi sinah khan Aaron nih cun bia cu a chim lai; amah cu na ka-hlang a si lai i nang cu Pathian bantukin, cucu chim, khakha chim, a titu na si lai.

EXODUS 7:1

Bawipa nih khan Moses cu a thawh i, “Zohhmanh, nangmah cu Faro caah Pathian bantuk ah kan ser lai i na u Aaron nih na profet bantukin a sinah bia a chim lai.

JEREMIAH 14:11

Cun Bawipa nih a ka thawh i, “Hi mi hna ṭhatnak caah hin thlacam hlah.

JEREMIAH 15:1

Cun Bawipa nih a ka thawh i, “Moses le Samuel hmanh kha ka hmaiah dir hna seh law, hi mi hna hi ka zaangfah hlei hna lai lo. Ka hmaika in dawi hna law kal ko hna seh.

JEREMIAH 27:18

Annih cu profet an si i Bawipa bia cu an chungah a um taktak a si ahcun, Bawipa inn chungah le Judah siangpahrang inn chungah le Jerusalem ah nganhtami umkheng hna cu Babilon ah kalpi loin Bawipa nih a umter hna nakhnga Ralkapbu Bawipa cu nawl hna ngat seh.

EZEKIEL 3:18

Miṭhalopa cungah thihnak ding bia khiahnak ka chim zong a si sual kho ko, a ziaza a ṭha lomi kha a hlawt i a nunnak kha khamh awkah ralrinnak kha na pek lo ahcun sualnak cu amah ta a si ko; a ṭhat lo ruangah a thi ko lai, sihmanhsehlaw a thihnak ruangah khan nangmah cu kan mawhchiat lai.

EZEKIEL 33:8

Mi pakhatkhat cu a ṭhat lo ruangah a cungah thihnak biakhiahnak ka tlunter ko lai; nangmah nih amah kha a ziaza ṭhinh awkah ralrinnak na pek lo zongah a sualnak cu amah ta a si ko i a ṭhat lonak ruangah a thi ko lai, asinain a thihnak caah cun kan mawhchiat lai.

LEVITIKAS 6:4

pakhatkhat ah a sual i a mawh tikah, a firmi siseh, hramhram in a lakmi siseh, amah an kentermi siseh, thiltlau a hmuhmi siseh,

LEVITIKAS 6:7

cun tlangbawi nih cun Bawipa hmaiah remnak a serpiak lai i, a mawhnak thil a tuahmi paohpaoh kong ah ngaihthiam a si lai.”

LAMKALTU 8:24

Simon nih Peter cu a thawh i, “Na chimmi vialte hi pakhat hmanh ka cungah a tlun nakhnga lo Bawipa sinah thla ka campiak tuah,” tiah a ti.

1 KORIN 14:4

Holhtheihlo in a holhmipa cu amah le amah lawng kha aa bawm, sihmanhsehlaw Pathian bia a chimmi nih cun khrihfabu kha a ning piin a bawmh.

HEBRU 1:1

Hlan ah cun Pathian nih kan pupa hna sin i bia a chim tikah profet kha a rak hman hna i a cheuchum tete le phun dangdang in a chimning cu a rak si.

HEBRU 13:4

Ṭhitumnak hi mi vialte nih kan hmaizah awk a si i nu le va hi zumh awk tlak an si veve awk a si. Nu le pa sualnak a tuahmi hna le va cungin pa aa duhmi hna cu Pathian nih an bia a ceih hna lai.

1JOHAN 5:16

Mi pakhatkhat nih, a unau pakhatkhat kha, thihnak tiang a phanmi a si lomi sualnak a tuah kha a hmuh ahcun, nunnak a petu ding Pathian sinah khan thla a campiak lai — cucu thihnak tiang a phanmi sualnak a tuah lomi hna caah khan a si. Sihmanhsehlaw thihnak tiang a phanmi sualnak a um i cu kong ahcun Pathian sinah thla nan cam lai ka ti lo.

1 SAMUEL 12:19

Cun mi vialte nih Samuel sinah cun, “Bawipa na Pathian sinah cun, kan thih nakhnga lo, na sal hna caah hin thla kan campiak tuah; zeicahtiah kan sualnak vialte cungah hi thil ṭhalo hi kan i chap cang, kan ca i siangpahrang kan hal hi,” tiah an ti.

1 SAMUEL 12:23

Cuhleiah nan ca i thlacam ka ngol thawngin Bawipa cung i sualnak ka tuah hnga cu ka duh ding naisai a si lo; lam ṭha le lam ding chung kal awk kha kan cawnpiak ko hna lai.

1 SAMUEL 7:5

Cun Samuel nih, “Israel mi vialte hna cu Mizpah ah pum hna u law, Bawipa sinah keimah nih thla kan campiak hna lai,” a ti.

1 SAMUEL 7:8

Israel mi nih Samuel cu, “Filistin mi hna kut chungin a kan khamh nakhnga, kan ca i Bawipa kan Pathian sin i na aunak cu ngol hlah,” tiah an ti.