GENESIS 17:17 - Lai (Hakha) Common Language Bible 2006
17 Abraham cu a khuk aa bil i asinain, “Mipa nih kum za khat a si ah fa a ngei kho ngai hnga maw? Sarah nih hin kum sawm kua ah fa cu a ngei ngai hnga maw?” ti a ruah ah a nih a chuak.
Ruahpi a sur ni ah khuadawm lak i chuncha a chuah bantuk khin a velchum i a ceumi cu a um. Bawipa sunparnak a muisam cu cu bantuk cu a si. Cucu ka hmuh tikah ka bawk i aw pakhat ka theih.
Cu ti a va lak ahcun saram nung pali hna le upa kul le pali hna kha Tuufa hmaiah cun an kun. Pakhat nih tingtang pakhat cio le zihmui a khatmi sui kheng pakhat cio an i put, sui kheng chung zihmui cu Pathian mi hna thlacamnak kha a si.
Gabriel cu a ra i ka pawngah khan a dir i ka ṭih tuk caah vawlei ah ka tlu. Sihmanhsehlaw a ka chawnh i, “Maw mipa, langhnak na hmuhmi hi vawlei donghnak kong a si,” tiah a ti.
Cun David nih khua a hun zoh i van le vawlei karah Bawipa vancungmi a dir kha a hmuh, a kut in vainam phawi cia aa put i Jerusalem lei kha a sawh. Khi tikah David le upa hna cu buri an i aih i vawlei ah an bawk.
Cun biakṭheng cungin meizik cu van i a kai lioah, Manoah le a nupi nih an zoh ko lioah khan, Bawipa vancungmi cu biakṭheng meizik chung cun a kai, cun vawlei ah an bawk.
Khi tikah Joshua nih a puan kha a thleh hna i Bawipa kuang hmaiah cun zanlei tiang vawlei ah a bawk, amah le Israel upa hna cu an bawk; cun an lu ah leidip an i phulh.
Cun anih nih, “Sihlah; sihmanhsehlaw Bawipa ralkapbu hruitu in ka ra,” tiah a ti. Cun Joshua cu vawlei ah a bawk i a biak i, “Ka bawipa nih a salpa a fialmi cu zeidah a si?” tiah a ti.
Cun Bawipa hmaiah a hlan bang khan ni sawm li le zan sawm li ka bawk; Bawipa kha a thin phawh awkah amah mithmuh ah ṭhat lo nan tuahnak thawngin sual nan tuahmi vialte ruangah rawl ei lo le ti ding loin ka um.
Cun an bawk i, “Maw Pathian, titsa vialte i thlarau hna Pathian, mi pakhat nih a sual caah, nangmah cu mi zapi vialte cungah hin na thin a hung lai maw?” tiah an ti.
Inn chungah khan an vung lut i ngakchia kha a nu Mary sinah cun an vung hmuh. An khuk an i bil i an biak. Cun an zal chung khan laksawng an i chuah i an pek, cu an laksawng cu sui le frankinsen zihmui le mura zihmui an si.
Zekhariah nih vancungmi cu a thawh i, “Cucu a si kho lai tiah zeitindah ka zumh khawh lai? Zeicahtiah kei cu ka tar cang i ka nupi zong a tar ve fawn,” tiah a ti.
Cun aa thawh ṭhan i, “Ahohmanh nih Abraham cu, Sarah nih fano a cawm te hna lai, tiah an rak chim kho lai lo. Asinain a tar lei sang ah fapa pakhat ka hrinpiak ko,” a ti.
