FILIPI 1:6 - Lai (Hakha) Common Language Bible 2006

⁶ Cucaah cun, nan chungah hi rian ṭha a thawktu Pathian nih, Khrih Jesuh Ni ah hi rian cu a lim tiangin, a ṭuan zungzal lai.

Laibaibal Thiang (BSI)

⁶ Nanmah i rianṭha a thawktu nih Jesuh Krih ni tiangin a tlinter ko lai ti kha ka zumh.

FILIPI 1:6 交叉參考

SALM 138:8

Na ka kamhmi thil vialte kha tlinter ko hna, Bawipa, na dawtnak cu zungzal in a fek ko; na thawk ciami rian cu liim ko.

JOHAN 6:29

Jesuh nih cun a leh hna i, “Pathian nih tuah hna seh ti an duhmi hna rian cu hihi a si: a thlahmi zumh hi,” tiah a ti hna.

LAMKALTU 11:18

Cu bia cu an theih tikah an soinak cu an ngol i Pathian kha an thangṭhat i, “Pathian nih Jentail mi hna zong, i ngaihchih i nun awkah caan ṭha kha a pek ve hna,” tiah an ti.

LAMKALTU 16:14

Cu hna lak i kan bia a theimi pakhat cu Lidia a si, amah cu Thiatira khuami a si i maimaw puan a zuarmi a si. Amah cu Pathian a biami nu a si i Paul nih a chimmi bia ngaih awk caah khan Pathian nih a lungthin kha a hunpiak.

1 KORIN 1:8

Amah nih cun a dongh tiangin fek tein an umter hna lai i kan Bawipa Jesuh Khrih Ni ah cun ahohmanh nih sual an in phaw kho hna lai lo.

2 KORIN 1:15

Hi vialte hi fek tein ka zumh caah nanmah tlawn hmasa kha ka rak i tim, nannih nih thluachuahnak a voi hnih in nan hmuh khawh nakhnga.

2 KORIN 2:3

Cucaah cun kha ca nan sin i ka rak ṭial kha a si. Nan sin rat i a ka lawmhtertu ding va si nalak i ka ngaihchiattertu si ding cu kaan duh ti hna lo. Zeicahtiah kaa lawmh tikah nannih zong nan dihlak in nan i lawm ti kha ka hngalh.

2 KORIN 7:16

Nanmah cu kan bochan khawh hna caah zeitluk in dah kaa lawmh.

2 KORIN 9:4

Cu ti si loin Masidonia mi kha kaa ratpi hna i timhnak zeihmanh ngei loin nan rak um ṭung ahcun, nan i tim ṭheo lai ti ruahnak kan ngeih ṭung caah khan, kan ning a zak tuk lai, nanmah cu vun chim lo kanmah hrimte kan ning a zak tuk lai.

GALATI 5:10

Asinain nan kongah ka lung a hmun ko rih. Bawipa chung i kan i pehtlaihnak nih hin, ruahnak dang an ngei bal lai lo, tiah a ka zumhter i an tuaitamtu hna hi, aho a va si zongah, Pathian nih dan a tat ko lai.

EFESA 4:12

Khrih pum kha ṭhanter awkah Pathian mi vialte cu hi bantukin Khrihfa rianṭuan awkah a timh hna.

FILIPI 1:10

cuticun a ṭha bik i thim awk kha nan hngalh lai, ti hi a si. Cun thurhhnawmhnak vialte le mawhchiatnak in Khrih Ni ah cun nan luat lai.

FILIPI 1:29

Khrih ca rianṭuan thiah nan si tikah, a zumh lei lawng hi si loin a ca i temhinnak hmuh ding zong hi a si chih.

FILIPI 2:12

Cucaah ka dawtmi ka hawile hna, nan sin ka um i ka bia nan ngaih zungzal bantuk khan lamhlat i ka um zongah hin ka nawl ngai chinchin ko u ti kan duh hna. Nan khamhnak a tlin khawh nakhnga, ther le phang lengmang in ṭuan ko u.

FILIPI 2:13

Pathian tinhmi kha nan zulh khawh nakhnga le cu tuah duhnak lungthin nan ngeih nakhnga, Pathian cu nan chungah rian a ṭuan zungzal ko.

FILIPI 2:16

an lakah arfi bangin ceu u. Cu ti nan si ahcun Khrih Ni ah nanmah ruangah ka hmai a hngal ngaingai lai i ka ṭuanmi vialte le kaa zuammi vialte kha pakpalawng an si lo ti kha a lang lai.

KOLOSE 2:12

Zeicahtiah tipil nan in tikah Khrih sinah nan i vui, cun tipil nan innak ah cun, thihnak in a thawhtertu Pathian ṭhawnnak nan zumhnak thawngin Khrih sinah cun a thawh zong nan tho fawn.

1THESALON 1:3

Nan zumhnak cu rianṭuannak ah nan langhterning le dawtnak nan ngeihmi nih fak piin rian an ṭuanter hna ning le kan Bawipa Jesuh Khrih chung i ruahchannak nan ngeihmi a fehning kha Pathian kan Pa hmaiah kan philh lo.

2 THESALON 1:11

Hi ruangah hin nan ca i thla kan cam zungzal cu a si. Pathian nih an kawhnak hna he aa tlakmi nunning in nan nun nakhnga kan Pathian cu kan hal lengmang. Amah nih cun nan duhmi vialte cu ṭhatnak caah tlinter seh law nan zumhnak rianṭuannak cu tlamtlinter ko seh.

2 THESALON 3:4

Cun Bawipa nih nanmah zumhnak lungthin kha a kan pek caah kan in zumh ko hna; kan in chimhmi hna kha nan tuah lengmang ko i hmailei zongah nan tuah ṭheo lai tiah kan zumh fawn.

FILEMON 1:21

Hi ca ka ṭial pah ah hin, kan fialmi cu na tuah lai, ti cu ka hngalh ko, kan fialmi nak tam deuh hmanh na tuah lai ti kha ka hngalh ko.

HEBRU 10:35

Cucaah nan ralṭhatnak kha thlau sual hlah u, nan ralṭhatnak nih cun laksawng nganpi an phorh hna lai.

HEBRU 12:2

Jesuh kha fek tein i zoh chih u sih, amah cungah cun kan zumhnak cu a hramthawk in a dongh tiang a um. Hmailei lunglawmhnak aa ruahchanmi ruangah khan vailam cung i thih ningzahnak cu zeihmanh ah a rel lo i atu cu Pathian bawiṭhutdan orhlei kamah khan a hung ṭhu cang.

1 PETER 5:10

Sihmanhsehlaw caan tlawmpal nan in hnuah cun, velngeihnak in a khatmi Pathian, Khrih he nan i pehtlaihnak thawngin zungzal a hmunmi a sunparnak i hrawm dingin aan kotu hna nih cun tlinnak an pek hna lai i fehnak le thazang le a fekmi hram bunhnak an pek hna lai.

2 PETER 3:10

Sihmanhsehlaw Bawipa Ni cu ruah lopi ah mifir bantukin a ra lai. Cu Ni ah cun van cu awn cukmak in an lo lai i vancung arfi, nika le thlapa hna cu an kang lai i an rawk dih lai. Vawlei cu a cung i a ummi thil vialte he an lo dih lai.