DANIEL 8:12 - Lai (Hakha) Common Language Bible 2006

¹² Vancung ralkapbu hna zong cu a tei hna i pekchanh zungzal tawnmi raithawinak cu a thurhhnawmh i biaknak taktak cu vawlei ah a hlonh; a tuahmi thil vialte ah hin a hlawhtling dih.

DANIEL 8:12 交叉參考

JOB 12:6

Sihmanhsehlaw mifir le Pathian zei i a rel lomi hna cu dai tein khua an sa i Pathian thin a phoktu hna cu himte le dai tein an um.

SALM 119:142

Na dinnak cu zungzal in a hmun lai, na phunglam cu ahmaan zungzal ko.

SALM 119:43

Ka rak i ruahchanmi cu na biakhiahnak kha a si zungzal caah biatak cu ka chim zungzal khawh nakhnga ka bawm.

SALM 28:5

Bawipa nih a tuahmi thil kha zeihmanh ah an rel lo i a sermi thil zong kha zeihmanh ah an rel lo; cucaah dan a tat hna lai i zungzal in a hrawh hna lai.

ISAIAH 59:14

Dinnak cu kan ṭhawl i ahmaanmi thil nih a naih in a kan naih kho lo. Zapi i pumhnak hmun ah khan biatak cu zeihmanh ah rel a si lo i biaceihnak hmun ah khan dinnak zeihmanh a um lo.

JEREMIAH 12:1

Maw Bawipa, nangmah cu na din caah bia kan al lai, Na hmaiah ka bia cu ka rak chuahpi ko lai. Zeicahdah mi ṭhalo hna cu khuaawng an ton i hlen hmangmi hna cu nuam tein khua an sak?

DANIEL 11:28

Siria siangpahrang cu hranchaw a lakmi vialte he khan inn lei i kir awkah aa thawh lai i Pathian mi hna an biaknak phung kha hrawh hrimhrim aa tinh lai. A tuah duhmi paoh kha a tuah ko lai i a ram ah a kir lai.

DANIEL 7:21

Ka zoh ko lioah cun cu ki cu mithiang mi hna he khan ral an i do i annih cu a tei hna.

DANIEL 8:4

Tuukawng nih cun nitlaklei le chaklei le thlanglei a nam len hna kha ka hmuh. A hmaiah sahrang zeihmanh an dir kho lo i a ṭhawnnak chungin chanh khotu ahohmanh an um fawn lo. Tuah a duhmi paoh kha a tuah ko i a ruam a hung kai ngaingai.

BIAPHUAN 13:7

Pathian mi kha doh awk le tei awkah onh a si i phun kip ram kip holh kip le mi kip cungah nawlngeihnak nawl pek a si.

1 SAMUEL 23:9

David nih Saul nih ka cungah ṭhat lonak kha tuah awkah khua a khaan ti kha a hngalh; cun tlangbawi Abiathar sinah khan, “Hika ah hin tlangbawi angki kha rak pu tuah,” tiah a ti.