DANIEL 7:5 - Lai (Hakha) Common Language Bible 2006

⁵ Cun a dang pakhat, a pahnihnak cu ka hmuh ṭhan i vom bantuk a si. Ui ṭhut in a ṭhu i a kaa ah hnak ruh pathum aa seh. Amah cu nawl pek a si i, “Tho tuah, na duh tawk in sa cu ei tuah,” ti a si.

DANIEL 7:5 交叉參考

2 SIANGPAHRANG 2:24

Cun aa mer i a hmuh hna tikah Bawipa min in chiat a serh hna. Cun ramlak in vom a pi pahnih an ra chuak i pa ngakchia cu sawm li le pahnih an seh hna.

PHUNGTHLÛKBIA 17:12

Mihrut a hruh lio i ton nakcun a fa chuhmi vompi ton a ṭha deuh.

ISAIAH 56:9

Bawipa nih ramdangmi kha, ramlak saram bantukin ra u law ka mi hi ra ei hna u, tiah a chimh hna.

DANIEL 11:2

Cun atu i kan chimh dingmi bia hi biatak a si,” a ti. Persia ram ah hin siangpahrang a dang pathum an hung chuak rih lai i a palinak nih cun a dang vialte kha rumnak ah tam piin a thlau hna lai; cun a ṭhawnnak kha a chawva in a vun karhter tikah Grik pennak doh awkah vawlei pumpi kha a ṭhanghter lai.

DANIEL 2:39

Nangmah hnuah hin pennak pakhat a hung chuak lai i cucu nangmah pennak nakin a nauta deuhmi a si lai, cun pennak pathumnak a hung chuak rih lai i cu pennak cu dar pennak cu a si lai i cu nih cun vawlei cung dihlak a uk lai.

DANIEL 7:4

A hmasa bik cu chiandeih bantuk a si nain mupi thla bantuk a ngei. Ka hei zoh i cu ah cun a thla cu an phawi hna i vawlei cun an vun cawi i minung bantukin a ke pahnih in an dirter; cun amah cu minung lungthin zong kha an pek.

DANIEL 7:6

Hi hnuah hin ka hei zoh ṭhan i a dang pakhat ka hmuh ṭhan, pawlai he aa lomi sahrang a si i a keng ah va thla pali a ngei, hi sahrang hi lu pali a ngei i siangpahrang nawl ngeihnak kha pek a si.

HOSEA 13:8

A fa chuhmi vompi bantukin nannih cu kan zuanhnawh hna lai i kan thleh kan baoh dih hna lai. Chiandeih bantukin a hmunte ah khan kan ei dih hna lai i, Sahrang bantukin kan thleh cikcek hna lai.

BIAPHUAN 13:2

Ka hmuhmi sahrang cu a mui ah pawlai a lo, a ke cu vom ke bantuk a si i a kaa cu chiandeih kaa bantuk a si. Limkeng nih khan sahrang cu, a ṭhawnnak le a bawi ṭhutdan le a nawlngeihnak a kau ngaingaimi kha a pek.