DANIEL 5:7 - Lai (Hakha) Common Language Bible 2006

⁷ Khuachia ṭhawlthiam hna le camhthiam hna le mang ihthiam hna kha, runpi hna u, tiah fak piin a au i Babilon mifim hna cu. “Hi ca ṭialmi hi a rel kho i a sullam a ka chim khotu paoh cu puan sen aih an si lai i a hngawng ah sui ṭhi rual oih an si lai i ka pennak chungah bawi ngan pathumnak an si lai,” tiah a ti.

DANIEL 5:7 交叉參考

GENESIS 41:8

A thaizing ah cun a khuaruah a har i cucaah cun Izipt ram chung camhthiam le mifim vialte kha a kawh dih hna. A mang cu a chimh hna, asinain ahohmanh nih a sullam an lehpiak kho lo.

ESTHER 3:1

Cun hi thil hna ah hin Siangpahrang Ahasuerus nih Agag mi Hamedatha fapa Haman cu a rian a kaiter i hawi hmaiah khan a chiah i amah sinah a ummi bawi vialte hna cungah khan a ṭhutter.

EXODUS 7:11

Cun Faro nih a mifim le camhthiam pawl kha a auh ve hna i annih zong nih cu bantuk cu an tuah khawh ve.

PHUNGTHLÛKBIA 1:9

Zeicahtiah na lu caah aa dawhmi pangpar ṭhi rual an si lai i Na hngawng caah pumṭek ṭhi an si lai.

SOLOMON HLA 1:10

Na bel nih i dawh kaw na liang cung sam sawm-ai phiar he, Na lungvar ceu tleu le na sui ṭhi, rual nih duum hna na hngawng velchum tiang zong in.

ISAIAH 47:13

Ruahnak an in cheu nain zeihmanh na tuah kho hlei lo. Ruahnak an petu hna cu hmaiah ra chuak hna seh law in khamh tuah hna seh — arfi kong kha a cawng i van kha a bu a bu in a ṭhen i thla khat hnu thla khat in na cung i a tlung ding vialte an chim khotu ding hna nih cun, in khamh tuah hna ngat seh.

JEREMIAH 50:35

Khaldi mi hna le Babilon i a ummi hna le an bawi hna le an mifim hna cungah vainam aa thlai ko, tiah Bawipa nih a ti.

EZEKIEL 16:11

Hlawn caah kutkhih kan khih i na hngawng ah ṭhi kan oih;

DANIEL 1:20

Siangpahrang nih zei bantuk bia hmanh ah siseh, zei bantuk thil har a chuakmi hmanh ah siseh, an ruahnak a hal hna fate, a ram chung dihlak i mitlehthiam hna le kutṭial zohthiam hna le camhthiam hna nakkhan a let hra in an hngal deuh ti kha a hmuh.

DANIEL 1:4

Annih cu aa dawhmi, an pum cungah tlin lonak zeihmanh a ngei lomi, a fimmi, a thiammi, an si lai i siangpahrang inn i rianṭuan dingah aa tlakmi an si lai. Cun Khaldi mi ca le holh kha na cawnpiak hna lai,” tiah a ti.

DANIEL 2:2

Khi tikah siangpahrang nih cun mitlehthiam hna le camhthiam hna le khuachia ṭhawlthiam hna le eihthiam hna kha a kawh hna i ka mang cu a sullam ka chim u, tiah a ti hna. Annih nih an rat i siangpahrang hmaiah an dir tikah khan a thawh hna i,

DANIEL 2:27

Daniel nih cun siangpahrang cu a leh i, “Siangpahrang nih hngalh a duhmi biathli cu mifim ahohmanh nih si hna seh, khuachia ṭhawl thiam ahohmanh nih si hna seh, mang ihthiam ahohmanh nih si hna seh, na sinah an phuang kho lai lo.

DANIEL 2:48

Siangpahrang nih cun Daniel cu rian kainak a pek i laksawng man sungsung tampi a ṭhenh i Babilon ram vialte uktu le Babilon mifim vialte hna haotu bik ah a ser.

DANIEL 2:6

Sihmanhsehlaw nannih nih ka mang cu a sullam he nan ka chimh khawh ahcun laksawng tampi le upatnak kha kan pek hna lai. Cucaah ka mang le a sullam cu ka chim tuah u,” tiah a ti hna.

DANIEL 4:14

Cu nih cun fak piin a au i, “Thingkung kha hau u, a nge kha thlam hna u, a hnah kha zun hna u law a thei kha ṭhek dih hna u. A toi i aa dormi ram sa hna kha zam hna seh law a nge i aa fumi va hna kha zuang hna seh;

DANIEL 5:11

Na ram chungah hin mipa pakhat, a chung i pathian thiang hna thlarau a ngei i na pa chan ah hngalhnak a ngei ti hngalhnak a fiangmi le pathian fimnak bantuk fimnak a ngei ti hngalhmi a um. Na pa Nebukhadnezzar siangpahrang nih khan mitleh thiam hna le khuachia ṭhawlthiam hna le Khaldi mi hna le mang ihthiam hna haotu bik ah khan a chiah.

DANIEL 5:15

Mifim hna le khuachia ṭhawlthiam hna cu hi caṭial hi rel i a sullam chim awkah ka hmaiah an ratpi hna, sihmanhsehlaw an let kho lo.

DANIEL 5:16

Sihmanhsehlaw nang cu mang sullam kha a chim khawh i dawi leh zong kha a thiam tiah kaan theih. Cucaah caṭial cu na rel khawh hna i a sullam na chim khawh hna ahcun maimaw puan kha aih na si lai i na hngawng ah sui ṭhi rual oih na si lai,” tiah a ti.

DANIEL 5:29

Cun Belshazzar nih nawl a pek hna i Daniel cu puan sen kha an aih i a pennak chungah bawi ngan bik pathumnak a si tiah thawngthanhnak an tuah.

NAMBAR 22:17

zeitintiah upatnak nganpi kan pek hrimhrim lai i na ka chimhmi paoh kha ka tuah lai; ra law, mah mi hna hi chiat ka serhpiak ko hna,’ a ti,” tiah an ti.

NAMBAR 22:7

Cucaah Moab upa hna le Midian upa hna cu an kut ah litin man i put in an kal i Balaam sinah an phan i Balak biacahmi cu an chimh.

NAMBAR 24:11

Cucaah na umnak ah zam ko kun; ‘Kan hlorh hrimhrim lai,’ tiah ka rak in ti, sihmanhsehlaw Bawipa nih cu upatnak hmuh cu an sianh lo,” tiah a ti.

1 SAMUEL 17:25

Cun Israel mi hna nih cun, “Hi a hung chuak mipa hi na hmu maw? Israel zawmhtaih awk hrimhrim ah a hung chuak ko hi ta; cun hi pa a thattu hi cu siangpahrang nih laksawng tampi a pek lai i a fanu zong kha a pek lai i, a pa innchungkhar ngunkhuai a luatter lai,” tiah pakhat le pakhat an i ceih.