DANIEL 12:6 - Lai (Hakha) Common Language Bible 2006

⁶ Cun pakhat nih cun puan hmangṭhia aa aih i tiva a hnalei deuh ah a ummipa cu a hei chawnh i, “Hi hmelchunhnak hna hi an dongh tiangah zei can dah a rauh rih lai,” tiah a hal.

DANIEL 12:6 交叉參考

SALM 74:9

Kan thil thiang kha an lo dih, profet an um ti lo, hi bantukin thil kha zei can dah a um ti kha ahohmanh nih an hngal lo.

EZEKIEL 9:2

Cun cunglei chaklei kutka hei fuhnak lam khan mi paruk an rat kha ka hmuh, raldohnak hreitlung an i put cio i anmah lak i pakhat cu puan hmangṭhia aa aih i a tai ah cafung le cahang kha a ngei; cun dar biakṭheng pawngah khan an dir.

DANIEL 12:5

Cun keimah Daniel nih khua ka hei zoh i midang pahnih an dir ko kha ka hmuh hna, pakhat cu tiva hitilei kam ah a dir i a dang pakhat cu tiva khattelei kamah a dir.

DANIEL 12:8

A chimmi cu ka theih, sihmanhsehlaw a sullam cu ka hngal lo, cucaah ka thawh i, “Bawipa, hi thil vialte hna hi zeitindah an dongh lai,” tiah ka ti.

DANIEL 8:13

Cun vancungmi pakhat nih a dang vancungmi pakhat bia a hal kha ka theih i, “Hi langhnak caan hi zei can dah a sau lai? Pekchanh zungzal tawnmi raithawinak hi zei can dah ngol a si lai? Zei can dah vancung ralkapbu hna le biakinn hi vawlei ah lamhchih an si lai?” a ti.

DANIEL 8:16

Cun Ulai tiva lei khan aw pakhat ka theih i, “Gabriel, mipa kha langhnak a sullam kha chim tuah,” tiah a ti.

MATTHAI 24:3

Cun Jesuh cu Oliv Tlang i a ṭhut lioah khan a zultu hna kha anmah lawngte in an ra i, “Hihi zeitik ah dah a si lai? Cun na ratnak ding hmelchunhnak le atu chan donghnak ding hmelchunhnak ah zei thil dah a um hna lai?” tiah an hal.

MARKA 13:4

Amah cu an thawh i, “Hihi zeitik ah dah a si lai? Cun hi thil vialte hi a tlung cang lai, ti hngalhnak ah zei hmelchunhnak dah a um lai, kan chim tuah,” tiah an ti.

EFESA 3:10

cu ti a rak thuh cu, khrihfabu thawng hin vancung khua uktu vanmi hna nih hin, Pathian fimnak a phunphun cu, atu caan ah hin hngal hna seh ti a duh caah a si.

1 PETER 1:12

Pathian nih hi profet hna cu, an rianṭuanmi kha anmah ca ṭhathnemnak caah si loin, nanmah ca ṭhathnemnak caah a si ti kha a chimh hna. Vancung in a rung ṭummi Thiang Thlarau ṭhawnnak thawngin, Thawngṭha chimtu lamkaltu pawl nih an in chimhmi hna cu, hi profet hna nih hin an rak chim cangmi a si. Hi thil hi vancungmi hmanh nih hngalh an rak duhmi a si.

BIAPHUAN 15:6

Hremnak pasarih aa putmi vancungmi biakinn chungin an chuah kha ka hmuh; puan rang thiang an i aih i an ṭang ah sui ṭangmenh kha an i menh.

BIAPHUAN 19:14

Vancung ralkap bu nih khan rang rang cungin an zulh i puan rang in an i thuam.

BIAPHUAN 6:10

Fak piin an au i, “A lianngan bik Pathian, a thiang i a taktak a simi Pathian, vawleicung mi, a kan thattu hna hi zei can dah kan phuhlam loin na um hna lai i an biaceih loin na um hna lai,” an ti.