DANIEL 12:2 - Lai (Hakha) Common Language Bible 2006

² Leidip chungah a itmi hna lakin tampi cu an hun i ṭhang lai, a cheu cu zungzal nunnak chungah an hun i hlau lai i a cheu cu zungzal huatnak le ningzahnak chungah an hun i hlau lai.

DANIEL 12:2 交叉參考

PHUNGTHLÛKBIA 12:8

Na fim ahcun thangṭhatnak na hmuh lai, na hruh ahcun mi nih an in zohchuk lai.

ISAIAH 26:19

Kan mi hna a thimi kha an nung ṭhan lai! An pum kha a nung ṭhan lai. An thlan i a itmi vialte kha an i hlau lai i lunglawm in hla an sa lai. Dapti nih vawlei cu a hrinter ṭhan bantukin a thi ciami cu Bawipa nih a nunter ṭhan hna lai.

ISAIAH 66:24

“An chuah pah ah a ka dohtu hna an ruak kha an hmuh lai. An sa a eitu tholung kha zeitikhmanh ah an thi lai lo i a kanghtu hna mei kha zeitikhmanh ah a mit lai lo. Annih cu an hmuh hna tikah mi vialte cu an luak a chuak lai.”

JEREMIAH 20:11

Sihmanhsehlaw Bawipa cu keimah leiah a ṭang i ṭhawng ngai le zaangfahnak ngei in a um, Cucaah a ka hremtu hna cu an ril lai i zeihmanh tuah kho loin an tlu lai. An tuah duhmi kha an tlinter khawh lo tikah An ningzahnak cu a fak ngaingai lai, An minchiatnak cu zeitikhmanh ah philh a si ti lai lo.

EZEKIEL 37:12

Cucaah annih cu chim hna law, hihi Bawipa Pathian bia an si, tiah chim hna: Maw ka mi hna, nan thlan cu ka hun hna lai i an chung khan kan chuah hna lai i Israel ram ah kan kirter hna lai.

HOSEA 13:14

Hi mi hna hi Sheol chungin ka khamh hna lai lo, Thihnak ṭhawnnak chung zongin ka chuah hna lai lo. Maw thihnak, na rai hna he cun ra tuah! Sheol, hrawh khawhnak ṭhawnnak na ngeihmi he cun ra tuah! Hi mi hna hi an cungah zaangfahnak zeihmanh ka ngei lo.

MATTHAI 25:46

Hi hna cu zungzal hremhmun ah khan kalter an si lai: a dingmi cu zungzal nunnak ah khan an kal lai,” tiah a ti.

LAMKALTU 24:15

hi sual a ka phawtu hna zong nih an i ruahchan vemi, minung hi mi ṭha he mi ṭhalo he thihnak in kan tho ṭhan dih lai, ti hi kaa ruahchanmi a si ve.

LAMKALTU 7:60

A khuk aa bil i fak piin a au i “Bawipa, hi sualnak hi an cungah khing hlah,” tiah a ti i a thi colh. Cun Steven an nawn kha Saul zong cu a hna a tla ve.

ROM 9:21

A ngaingai ti ahcun um a sertu nih khan tlak cu a duhduh in hmannak nawl a ngei ko, tlak hlum hlum khat chung khan um pahnih a ser khawh ko hna, pakhat cu sawhsawh men i hman lo dingah a ser i pakhat cu sawhsawh men i hman awkah a ser ko.

1THESALON 4:14

Jesuh cu a thi i a tho ṭhan ti kha kan zumh; cucaah amah zumh buin a thimi hna cu Pathian nih amah sinah cun a ratpi hna lai ti kha kan zumh.

BIAPHUAN 20:12

Cun mithi mi kha, a ngan he a hme he, bawiṭhutdan hmai i an ṭhut kha ka hmuh. Cauk kha an kau hna, cun cauk a dang pakhat, nunnak cauk zong kha an kau ve. Mithi cu an rak tuahmi cauk chung i aa ṭialning khan an bia an ceih hna.