DANIEL 12:11 - Lai (Hakha) Common Language Bible 2006

¹¹ Nifate in pekchanh tawnmi raithawinak kha an ngol i cucu Ṭhiotu Fihnung kha an bunh thawk in ni thong khat za hnih le sawm kua a rau lai.

DANIEL 12:11 交叉參考

EXODUS 29:38

“Biakṭheng cungah nan thawi awk thil cu hihi an si lai: nifate in, a zungzal in kum khat a timi tuufa pahnih kha nan thawi hna lai.

EZEKIEL 4:6

Mah hi vialte hi na lim tikah na orhlei hrap in na it ṭhan lai i Judah ṭhat lonak cu ni sawm li na in lai; ni khat cu kum khat caah rel a si lai.

DANIEL 1:12

“Ni hra chung kan hneksak tuah. Ei awkah tisik anhnah lawnglawng le din awkah ti lawnglawng kan pe;

DANIEL 11:31

Amah nih a thlahmi ralkap hna nih khan hmunthiang le a kulhnak kha an thurhhnawmh lai i pekchanh tawnmi raithawinak kha an hloh lai. Cun khika hmun ah khan, “Ṭhiotu Fihnung” kha an chiah lai.

DANIEL 7:25

Cung Nung Bik kha zeihmanh ah a rel lai lo i Cung Nung Bik mithiang hna kha a hrem hna lai. An biaknak phung a si tawnmi caan le phung hna kha thlen a timh hna lai i mithiang hna cu a kut chungah kum thum le a cheu an um lai.

DANIEL 8:26

Zanlei raithawinak hna kong le zinglei raithawinak hna kong i phuannak na hmuhmi an sullam hi biatak a simi an si; Sihmanhsehlaw langhnak na hmuhmi hi na thuh rih hna lai, Zeicahtiah hi langhnak a vung tlin tik khi cu hmaileipi ah khin a si te lai,” tiah a ti.

DANIEL 9:27

Cu a ṭhawngmipa nih cun mi tampi he zarh khat chung a fekmi biakamnak a tuah lai i raithawinak le pekchanhnak kha zarh cheu chung a ngolter hna lai. Biakinn a sannak bik hmun ah khan ṭhiotu fihnung caah donghnak caan Pathian nih a timhmi a phak hlantiang cuka ah cun ṭiaonak chuahtertu thil fihnung cu a um lai.

HOSEA 3:4

Zeicaahtiah Israel mi cu caan sau nawn chung kha siangpahrang siseh, bawi siseh, raithawinak siseh, tung thiang siseh, siasal siseh, innchungkhar pathian si hna seh, ngei loin an um lai;

MATTHAI 24:15

“Cun profet Daniel nih, ‘Ṭhiotu Fihnung,’ a timi kha hmunthiang i a dir cu nan hmuh lai. (A reltu hna, hi a sullam hi i hngalh u).

MARKA 13:14

“Sihmanhsehlaw ‘Ṭhiotu Fihnung’ cu a dirnak ding a si lomi hmun ah a dir kha nan hmuh tikah (A reltu nih hi a sullam cu hngal u!) khi tikah Judea ram i a ummi cu tlang leiah nan zam awk a si lai.

BIAPHUAN 11:2

Asinain biakinn lenglei tual kha cu va ngaan rih hna. Va tah rih hna hlah, zeicahtiah kha tual kha cu Pathian a bia lomi, thla sawm li le thla hnih chung, Khua Thiang a naang ding hna ca i chiahmi an si.

BIAPHUAN 12:6

Minu cu Pathian nih a rak timhpiak cangmi hmun ah thetse ram ah khan a zam i khika ah ni thong khat le ni za hnih le ni sawm ruk an rak zohkhenh.

BIAPHUAN 13:5

Sahrang cu a ṭhalo tuk hringhranmi thil kha chim onh a si i thla sawm li le thla hnih chung nawlngeihnak ngeih onh a si.