DANIEL 1:17 - Lai (Hakha) Common Language Bible 2006
17 Hi tlangval pali hna hi an dihlak tein Pathian nih ca lei fimnak le hngalhnak le thiamnak phun kip kha a pek hna i Daniel cu langhnak le mang sullam hngalh khawhnak pahrang kha a ngei.
zohhmanh, na bia bangin ka tuah lai. Zohhmanh, a fim le thil a thleidang khomi lungthin kan pek, cucaah nangmah bantuk ahohmanh an rak um bal lo i nangmah bantuk hi a chuah zong an chuak bal ti fawn lai lo.
Cun Israel mi vialte nih siangpahrang biachahmi kha an theih i siangpahrang cu an khuaruah a har, zeicahtiah biading in biachah khawh awkah Pathian fimnak kha a chungah a um ti an hngalh.
Cucaah hi miphun hmai i chuahnak ca le luhnak caah hin fimnak le hngalhnak ka pe tuah, zeicahtiah hi na mi, a ngan hringhranmi hi aho nih dah a uk khawh hna lai?” tiah a ti.
fimnak le hngalhnak cu kan pek. Nangmah hlan i a rak ummi siangpahrang hna nih an rak ngeih bal lo i nangmah hnu i a um laimi zong nih an ngeih bal lai lomi rumnak le chawva le upatnak zong kan pek fawn lai,” tiah a ti.
Pathian nih a lung a tongtu hna kha cu, fimnak le hngalhnak le lawmhnak a pek hna; sihmanhsehlaw misual hna kha cu, rian a ṭuanter hna, an ṭuan man cu a hmuhter hna i a khonter hna, sihmanhsehlaw cucu a lung a tong deuhtu kha a pek hna. Mah zong hi pakpalawng le thlitu dawi men a si ko.
Siangpahrang inn ah chuahpi an si lai, tiah a rak timi caan kha a hung phan i tilditmi bawi bik Ashpenaz nih khan Nebukhadnezzar hmaika ah cun a chuahpi hna.
Siangpahrang nih zei bantuk bia hmanh ah siseh, zei bantuk thil har a chuakmi hmanh ah siseh, an ruahnak a hal hna fate, a ram chung dihlak i mitlehthiam hna le kutṭial zohthiam hna le camhthiam hna nakkhan a let hra in an hngal deuh ti kha a hmuh.
Annih cu aa dawhmi, an pum cungah tlin lonak zeihmanh a ngei lomi, a fimmi, a thiammi, an si lai i siangpahrang inn i rianṭuan dingah aa tlakmi an si lai. Cun Khaldi mi ca le holh kha na cawnpiak hna lai,” tiah a ti.
Persia siangpahrang Sairas a bawi kum thum kum ah Belteshazzar ti zongah a min sak a simi Daniel sinah bia pakhat kha phuan a si. Hi bia cu biangai a si nain a sullam hngalh awk a har ngaingaimi bia a si. Langhnak a hmuhmi thawng khan a sullam a hun hngalh khawh.
Khuacaan siseh, caan kha siseh, a thlen lengmang hna, Siangpahrang kha a ṭhumh hna i a kaiter hna; Mifim kha fimnak a pek hna i a hngalmi kha hngalhnak vialte cu a pek hna;
Ka pupa hna Pathian, nangmah cu kaan lawmh i kaan thangṭhat, Zeicahtiah nangmah nih fimnak le ṭhawnnak kha na ka pek; Ka thlacamnak kha na ka leh i Siangpahrang nih hngalh a duhmi kha na kan chimh.
Hi biathli keimah sinah phuan a sinak cu, keimah cu minung vialte lakah ka fim bik caah a si lo, sihmanhsehlaw siangpahrang nih na lung chungah a lutmi ruahnak cu na hngalh khawh nakhnga le a sullam na fian khawh nakhnga caah a si.
Cun mang ka manhmi le langhnak ka hmuhmi hna nih cun ka khuaruah an ka harter. Cucaah nawlbia pakhat ka chuah i Babilon mifim vialte hna kha ka mang sullam leh awkah cun ka hmaiah ka auh dih hna.
Babilon siangpahrang Belshazzar a bawi kum khatnak ah, Daniel nih a ihkhun i a ih lioah khan mang le langhnak kha a lu chungah an hung lut. Cun a mang cu a ṭial i a ṭialmi cu hitihin aa thawk:
Siangpahrang Belshazzar a bawi kum thum kum ah, Elam ram khuapi Susa khua i ka um lioah langhnak pakhat keimah Daniel sinah a ra lang i hmasa i langhnak ka rak hmuhmi bantuk kha a si.
harnak a inmi dihlak chungin him tein a chuahter. Josef cu Izipt siangpahrang Faro hmaiah a chuah tikah khan nuncan dawh le fimnak kha a pek. Faro nih cun Josef cu ram uktu bawi le siangpahrang innchungkhar uktu bawi ah a ser.
Nan kong kan theih ri in nan caah thla kan cam lengmang. Pathian nih nannih cu amah hngalhnak le a Thlarau nih an pekmi hna fimnak le hngalhnak in in khahter hna seh tiah Pathian cu kan nawl.
Laksawng ṭha le laksawng tlamtling paohpaoh hi vancung in a rami an si; vancung i a ceumi thil a Sertu Pathian sinin a rami an si. Amah cu aa thleng lo, vancung thil ceu hna le cu thil ceu hna thladem cu an i thleng lengmang nain anih cu aa thleng bal lo.
Sihmanhsehlaw fimnak a baumi nan um ahcun, Pathian sinah thlacam seh law Pathian nih a pek ko lai; Pathian nih cun ahopaoh kha zaangfah ngai le siang ngaiin a pek ko hna.
