BIACEIHTU 1:3 - Lai (Hakha) Common Language Bible 2006

³ Cun Judah nih a unau Simeon sinah cun, “Kanaan mi kha kan hung doh hna nakhnga, keimah covo ram ah cun hung ka kalpi tuah; cun cu bantuk ṭhiamṭhiam in kei zong nih na covo ram ah cun kan kalpi ve lai,” tiah a ti. Cucaah Simeon nih a hun kalpi.

BIACEIHTU 1:3 交叉參考

GENESIS 29:33

Fa a pawi ṭhan i a dang fapa a hrin ṭhan. “Kei cu dawt lomi ka si kha Bawipa nih a theih caah hi fapa hi a ka pek ṭhan,” a ti i cucaah a min ah Simeon a sak.

2 SAMUEL 10:11

Cun anih nih, “Siria mi hi ka caah an ṭhawn tuk ahcun na ka bawmh lai; sihmanhsehlaw Ammon mi hna kha na caah an ṭhawn tuk ahcun, ka ra lai i kan bawmh lai.

JOSHUA 19:1

Camcawh fung pahnihnak cu Simeon caah a hung chuak, an innchungkhar ning cio ah Simeon phun caah cun; cun an vo cu Judah phun nih an comi chungah khan a si.

BIAPHUAN 7:7

Simeon phun in thong hleihnih, Levi phun in thong hleihnih, Issakhar phun in thong hleihnih,

BIACEIHTU 1:17

Cun Judah cu a unau Simeon he an hung kal i Zefath i a ummi Kanaan mi hna cu an hung tei hna i an hrawh cikcek. Cucaah cu khua min cu Hormah ti a si.

BIACEIHTU 1:2

Bawipa nih, “Judah a hung kal lai; zohhmanh u, ram cu amah kut chungah ka pek cang,” tiah a ti.

BIACEIHTU 1:4

Cun Judah cu a hung kal i Kanaan mi hna le Periz mi hna cu Bawipa nih an kut chungah a pek hna i Bezek khua ah an mi sang khat an tei hna.