2 SAMUEL 7:12 - Lai (Hakha) Common Language Bible 2006

¹² Cun na ni kha a tlin i na pupa hna sinah na ih tikah, nangmah pum chungin a chuak laimi na fapa cu nangmah hnuah a chan ka thawhter lai i a pennak kha ka fehter lai.

2 SAMUEL 7:12 交叉參考

GENESIS 15:4

Cun Bawipa nih, “Hi sal hi na rocotu cu a si lai lo, na rocotu cu nangmah na fapa hrimhrim a si lai,” tiin a chimh cu a theih ṭhan.

2 SAMUEL 22:51

Amah nih a siangpahrang cu teinak lianngan a pek i, A chiti thuhmi cu a fekmi dawtnak a hmuhsak, David le a tefa hna cu, zungzal in.”

1 SIANGPAHRANG 1:21

Cu ti a si lo ahcun, siangpahrang ka bawipa hi a pupa hna sinah a ih tikah, keimah le ka fapa Solomon cu sualnak tuahtu ah rel kan vung si te ko lai,” tiah a ti.

1 SIANGPAHRANG 1:48

Cun siangpahrang nih cun, ‘Keimah mit hmuh hrimhrim ah, ka bawi ṭhutdan cung i keimah tefa pakhat a ṭhuttertu Bawipa, Israel Pathian cu thangṭhat si ko seh’ ti zongah a ti fawn,” tiah a ti.

1 SIANGPAHRANG 2:1

David kha a thih caan nih a naih tikah a fapa Solomon cu ro a vuih i,

1 SIANGPAHRANG 2:10

Cun David cu a pupa hna sinah a it i David khua ah khan an vui.

1 SIANGPAHRANG 2:4

Bawipa nih ka sinah keimah kong i, ‘Na fapa hna nih an kalning kha an i ralrin i keimah hmaiah zumhawktlak tein an lung dihlak le an nunnak dihlak in an kal ahcun, Israel mi bawi ṭhutdan cungah a ṭhu dingmi na ṭhing lai lo,’ tiin a chimmi bia kha a fehter lai.

1 SIANGPAHRANG 5:5

Cucaah Bawipa nih ka pa David sinah, ‘Nangmah hmun ah, na bawi ṭhutdan cungah ka chiah laimi na fapa nih ka min caah inn cu a sak te lai,’ tiin a rak ti bang khan, Bawipa ka Pathian min caah inn ka sa lai, tiah kaa tim.

1 SIANGPAHRANG 8:15

Cun aa thawh i, “Ka pa David sinah, ‘Ka mi Israel mi hna cu Izipt ram in ka chuahpi hna ni thawk in, Israel mi hna phun chung i khua zeihmanh kha, ka min umnak ding i inn saknak caah, ka thim lo;

1 SIANGPAHRANG 8:19

asinain, nangmah nih cun inn cu na sa lai lo, sihmanhsehlaw nangmah nih na hrin laimi na fapa nih ka min ca inn cu a run sak te lai,’ a ti.

1 SIANGPAHRANG 8:20

Atu cu Bawipa nih a biakamnak a sermi kha a hun tlinter cang; zeitintiah ka pa David hmun ah khan ka kai cang i Bawipa biakam bang khan Israel mi bawi ṭhutdan cungah ka ṭhu i Bawipa, Israel Pathian min caah khan inn cu ka sak cang.

1 SIANGPAHRANG 9:5

khi tikah na pa David sinah, ‘Israel mi bawi ṭhutdan cung ṭhu dingmi na ṭhing lai lo,’ tiin bia ka rak kam cang bang khan Israel mi hna cungah zungzal ca in na siangpahrang bawi ṭhutdan cu ka fehter lai.

2 SIANGPAHRANG 8:19

Sihmanhsehlaw Judah cu Bawipa nih, a sal David ruangah khan, hrawh a duh lo; amah le a tefa hna cu zungzal in meiinn pek awkah bia a rak kam cang hna.

1 CHANRELNAK 17:11

Na pupa hna sin i um awkah na ni kha a tlin tikah, na hnuah na tefa, na fapa hna lak i pakhat cu a chan ka thawhter lai i a pennak cu ka fehter lai.

2 CHANRELNAK 1:9

Maw Bawipa Pathian, ka pa David sinah bia na rak kammi cu atu ah hin tlinter ko, zeitintiah keimah cu vawleicung leidip zat in a tammi miphun hna cungah hin siangpahrang ah na ka ser cang.

2 CHANRELNAK 13:5

Bawipa, Israel Pathian nih Israel mi cung i siangpahrang sinak cu David le a fapa hna sinah zungzal ca in cite biakamnak in a pek cang ti kha hngalh awk nan si lo maw?

2 CHANRELNAK 21:7

Asinain, David sin i biakamnak a sermi ruangah khan le amah le a fapa hna cu zungzal in meiinn kan pek lai tiah bia a kam caah Bawipa nih David innchungkhar kha hrawh a duh lo.

2 CHANRELNAK 23:3

Cun aa pummi vialte nih siangpahrang he Pathian inn chungah khan biakamnak an tuah. Cun Jehoiada nih a thawh hna i, “Zohhmanh u, siangpahrang fapa hi! Bawipa nih David fapa hna kong ah a chim bantuk khan amah hi ukter ko u.

2 CHANRELNAK 6:15

na sal David, ka pa sinah na rak kamhmi cu na zulh; asi, a sinah na ka in na rak chim i mah cucu nihin ni ah hin na kut in na tlinter.

2 CHANRELNAK 6:9

asinain, nangmah nih cun inn cu na sa lai lo, sihmanhsehlaw nangmah nih na hrin laimi na fapa nih ka min ca inn cu a run sak te lai,’ a ti.

SALM 89:29

A tefa pakhat cu siangpahrang a si zungzal lai; a bawiṭhutdan cu van a hmunh chung paoh a hmun ve lai.

ISAIAH 11:10

Siangpahrang David ciruang chungin a chuakmi siangpahrang thar cu miphun hna caah hmelchunhnak a si lai i cu a si lainak ni cu a phan lai. A siangpahrang khua chungah khan an i pum lai i upatnak an pek lai.

ISAIAH 9:7

A lianhngannak cu a ṭhang chin lengmang lai; a ram cu a dai zungzal lai. Siangpahrang David tefa pakhat bantukin a ram cu a uk lai i atu thawk in caan donghnak tiang, hmaante le ding tein a uk lai. Ralkapbu Bawipa nih hi vialte hi tuah hrimhrim awkah aa tim.

JEREMIAH 33:17

Zeicahtiah Bawipa bia cu hi bangin a si: Israel mi bawiṭhutdan cung i a ṭhu ding kha David nih ngei loin a um bal lai lo i

DANIEL 12:2

Leidip chungah a itmi hna lakin tampi cu an hun i ṭhang lai, a cheu cu zungzal nunnak chungah an hun i hlau lai i a cheu cu zungzal huatnak le ningzahnak chungah an hun i hlau lai.

MATTHAI 1:1

Jesuh Khrih chuahkehnak cu hitihin a si. Amah cu David tefa kha a si i David cu Abraham tefa kha a si.

LUKA 1:32

Amah cu milian mingan a si lai i Cungnung Bik Pathian fapa tiah ti a si lai. Amah a hringsortu Siangpahrang David bawiṭhutdan kha Pathian nih amah cu a pek i

LUKA 24:27

Cun Jesuh nih Cathiang chungah, Moses cauk hna thawk in profet hna ṭialmi cauk hna tiang, amah kong aa ṭialmi vialte kha fiang tein a chimh hna.

LAMKALTU 13:36

David nih khan amah a caan ah khan Pathian rian cu a rak ṭuan; cun a thi i a hringsortu hna sinah khan vui a si i thutnak kha a in.

LAMKALTU 2:30

Amah cu profet a rak si i Pathian nih a sinah biakamnak a tuahmi kha a hngalh. Pathian nih bia a rak kammi cu, David tefa pakhat khat cu amah David bantuk khan siangpahrang ah a canter te lai, ti hi a si.

1 KORIN 15:51

Biathli pakhat kan chimh hna hmanh lai: kan dihlak hin kan thi dih lai lo, sihmanhsehlaw chikkhatte ah kan i thleng dih lai,

DEUTERONOMI 31:16

Cun Bawipa nih Moses sinah, “Zohhmanh, na pupa hna sinah na it dengmang cang; khi tikah hi mi hna hi an tho lai i, an va umnak dingmi hna lakah cun cu ram pathian hna sinah cun hlawh an hlang lai i, an ka hlawt lai i, anmah he ka biakamnak ka sermi kha an buar lai.

1THESALON 4:14

Jesuh cu a thi i a tho ṭhan ti kha kan zumh; cucaah amah zumh buin a thimi hna cu Pathian nih amah sinah cun a ratpi hna lai ti kha kan zumh.