1 SAMUEL 12:2 - Lai (Hakha) Common Language Bible 2006
2 Cun atu cu, zohhmanh u, siangpahrang nih an hruai cang hna lai; kei cu ka tar cang i ka ṭuak zong a par cang, cun zohhmanh u, ka fapa hna cu nan sinah an um; cun kei cu ka seino lio in nihin ni tiang nan hmaiah kaa chawk lengmang.
Atu cu a tar i a sam a par cang aipat tiin ka kaltak hlah, maw Pathian. Hmailei chan a ra ding vialte sinah na ṭhawnnak le na lianhngannak ka chimnak dingah hin nangmah nih ka umpi ko.
an hmaiah a kal ding le an hmaiah a ra ding le, a chuahpitu hna le a luhpitu hna ah chia ko seh; Bawipa mibu cu tuukhal ngei lo tuu hna bantukin an si nakhnga lo,” tiah a ti.
Joshua nih Israel mi vialte an upa hna le an lu hna le an biaceihtu hna le an bawi hna kha a auh hna i annih cu, “Atu cu ka upa i ka tar ngaingai cang;
Eli cu a tar ngaingai cang i Israel mi vialte hna cungah a fapa hna nih an tuahmi vialte le zeitindah tonnak thlam luhnak i rian a ṭuantu nu hna an ihpi hna kha a theih.
A si kun ahcun zeicahdah ka umnak ah pekchanh awk tiin nawl ka pekmi ka raithawinak hna le pekchanhnak hna cu hakkauh mit in nan zoh i keimah nakin na fapale hna cu na upat deuh hna i ka mi Israel mi nih an pekchanhmi thil lak i a ṭha bik hna cun nan i cenh?
Cun Bawipa cu a ra i a rung dir i voi dang bantuk khan, “Samuel! Samuel!” tiah a auh. Cun Samuel nih, “Chim ko, zeitintiah na sal nih a theih,” tiah a ti.
A fapa hna nih Pathian an vawlhpamhnak sualnak kha a hngal ko nain a thlauh hna lo caah, a innchungkhar cu zungzal ca in dantatnak ka pek dengmang cang, tiah amah kha ka chimh.
kannih zong miphun vialte hna cio bantuk kan si ve lai; kan siangpahrang nih cun a kan uk lai i kan hmaiah a kal lai i kan ral hna kha a kan tukpiak lai,” tiah an ti.
Amah cu an thawh i, “Zohhmanh, na tar cang, cun na fapale nih na lam an zul fawn lo. Cucaah miphun vialte hna cio bangin, a kan uktu ah siangpahrang pakhat kan chiahpiak tuah,” an ti.
