1 SAMUEL 10:16 - Lai (Hakha) Common Language Bible 2006
16 Cun Saul nih a pa unau sinah cun, “Laa cu an hmuh cang hna, tiah fiang tein a kan chimh,” tiah a ti. Sihmanhsehlaw pennak kong Samuel nih a chimmi kha cu zeihmanh amah cu a chim lo.
Moses cu a pu Jethro sinah khan a va kal i, “Izipt ram i ka rualchan pawl an nung rih maw ti vung zoh ka duh hna, cucaah cun ka kalter law ka vung zoh hna lai,” a ti. Jethro nih cun, dam tein vung kal ko, a ti.
cun Bawipa thlarau cu ṭhawng ngaiin a cungah a tlung i chiandeih cu meheh fa thlehbaoh bantuk ceo khin a thlehbaoh dih ko; a kut in zeihmanh aa put fawn ṭung lo. Sihmanhsehlaw a tuahmi kha a nu siseh, a pa siseh, a chim hna lo.
A kut in a sawk i a ei pah in a kal i a nu le a pa sin cu a phan i tlawmpal kha a pek ve hna i an ei. Sihmanhsehlaw khuaihliti cu chiandeih ruak chungin a lakmi a si kha a chim hna lo.
Na laa, ni thum a tlau cangmi hna cu ruat len ti hna hlah, zeicahtiah an hmuh cang hna. Cun Israel mi hna lak i duh awk thil vialte cu aho caah dah an si? Nangmah le na pa chungkhar vialte hna caah an si lo maw?” tiah a ti.
Cun khua pawngri lei i an vung kal lioah khan Samuel nih Saul sinah cun, “Na sinum kha kan lonh seh, hei chim tuah; cun a kan lonh tikah nang cu hika ah hin tlawm tein um ta rih tuah, Pathian bia cu nangmah kha kan hngalhter lai,” tiah a ti.
