San Juan 13:12 - Guahibo

¹² Petaxuquiatsicujinae pijajivi, Jesús baja icatsia penaxatatsijava naxatata. Eca icatsia mesa muxuneneta. Jumaitsi pijajivijavabelia: —¿Payapëtaneme tsabaja paxamë pajamatabëcuene yabara pacataxuquiatatsi?

San Juan 13:12 交叉參考

San Mateo 13:51

Jesús yanijoba pijajivijavabelia. —¿Panejumeyapëtaneme tsabaja daxita xua yabara pacatsipaebatsi? jai Jesús. Nexata Jesús pijajivi jumaitsi: —Jãjã, pacajumeyapëtanetsi rabaja, jai.

San Marcos 4:13

Jesús icatsia jumaitsi pijajivijavabelia: —Itsa apo pajumeyapëtaemë pajamatabëcuene xaina palivaisi pacatsipaebatsi peubinë pelivaisicuenia, ¿detsa nexata pacuenia pajumeyapëtaename daxita palivaisianë pacatsipaebijitsiatsi comparacióncuenia? jai Jesús pijajivijavabelia.

San Lucas 22:27

Mapanacuata petuxanenë itsa xaeyeca mesata, petuxanenë jamatabëcueneevetatsi pijajivitonë. Tsipaji petuxanenë ayaijamatabëcuenenë pijajivitonë matatoxenetsia. Itsiata xanë bajarapitsijamatabëcuene apo xainaenë. Ponaponajë paxamëjavata daxita paxamë bepanijajivitonënëcuenia patacayavenonaenexa, jai Jesús.

San Juan 13:4

Nexata Jesús pijajivi pebarënabanijavata, Jesús nonotapuna mesajavata. Najumajonota penaxatatsijava. Nexata toalla naepacëta.

San Juan 13:7

Jesús nexata jumaitsi: —Aeconoxae abaxë apo yapëtaemë pajamatabëcuene yabara cataxuquiatsijitsiatsi. Itsiata baitsi jane bexëajavabelia yapëtaename, jai Jesús.