2 ዱሳስ ኮሽያባ ደማናዉ፥ ዎንታ ጉራ ደንዶይ፥ ኦማርስ ዳሮ ቃምስድ ገሎይ ሀዳ። ጎዳይ ባ ዶሰይሳታስ ሸምፖ እሜስ።
2 Duussas koshshiyaba demmanaw, wonta guura dendoy, omarsi daro qamisidi geloy hada. Goday ba doseysatas shempo immees.
ነዉ ኡፋይስ ደእያ ግሾ ኔኒ ህርጎና ዳና፤ ፆሳይ ነና ናግያ ግሾ ዎፑ ጋዳ ዳና።
ጎዳይ ታና ናግያ ግሾ፥ ታ ዝንአስነ ስካስ ህርግ ባይና ባርካስ።
አቤት ጎዳዉ፥ ነ ፃላል ታና ሳሮ ዎያ ግሾ፥ ታኒ ዝንአዳ ዎፑ ጋዳ ስካይስ።
ነ ሲቀይሳት አታና መላ፥ ነ ኡሻቻ ኩሸን ኑና አሻ፤ ኑና አላ።
ጎዳ አንጆይ ዱረ ከሴስ፤ ሄ ዱረተ ቦላ መቶ ጉጀና።
ሳሎፐ ጋርሳን ሀንዳባ ኡባ ታኒ በአስ፤ ሽን ኡባይካ ሀዳ፤ ጫርኮ ኦይካናዉ የደይሳ መላ።
ሄስካ ናእ ዎይኮ እሽ ባይና እስ ብዛ አደይ ደኤስ። ሽን እያ ዳቡራስ ዛው ባዋ፤ ባዉ ደእያባን አለና። እ ባና፥ “ታ ሀይሳ ኦደስ ዳቡራይና? ታኒ ታና አይስ ኡፋይስ ድጋድና?” ያግድ ኦይችስ። ሄስካ ቃስ ሀዳነ መቶ ደኦ።
ኦሶ ኦያ አስ ጉ ምን ዳሮ ምን፥ ሳሮ ስኮ ስኬስ፤ ሽን ዱረይ ባ ዱረተስ ኡባ ዎደ ኡንኤትያ ግሾ ስኮ ይድ ደኤስ።
አስ ዳቡርድ ኦያ ኡባይ ባዉ ምያባ ደማናሳ፤ ሽን እያ አሞይ አል ኤረና።
ሄ ዎደ ባርካዳ ታ ዩሹዋ ፄላስ፤ ታ ስኮይ ታዉ ማልኦ ስኮ ግድስ።
“ታ ኤንታራ ሳሮተ ጫቆ ጫቃና፤ ኢታ ዶአታ ታኒ ቢታፈ ድጋና፤ ታ ዶርሳት ባዞን ሳሮ ዳና፤ ዎራ ጋርሳን ህርግ ባይና አላታና።