Kɔl-gɨ-Ɗari gɨ Ja̰ wal 8:9 - Gabri Maja

⁹ Kɨɗɨn̰ ga kan jege kɔl gɨ nee le ɨni na, kan torge gusɨge coŋ pɨna pɨna, ayɨn̰ toy a cay kan ga əsɨdəŋ gaŋ bɨrɨŋ andɨn̰ a cay kan ga n̰əŋdəŋ, lee gɨ na Jesu dan̰ tama di kan sooge duroyge le ba bɔɔge kan̰dɨge hage.

Kɔl-gɨ-Ɗari gɨ Ja̰ wal 8:9 交叉參考

Kɔl-gɨ-Ɗari gɨ Lug wal 13:17

Kɔl gɨ Jesu ba ye le, dɨbɨ dasi cay ka-baadi nɔm, ama dɨmdɨrdi kalaŋ nɔm ga baa le leege gusi-mɔwa kɨya cay hɨnga ga ɗari ga ɗɨn̰ cɨn̰-kɨɗɨn̰ ga ban lee nɔm le.

Kɔl-gɨ-Ɗari gɨ Ja̰ wal 8:10

Jesu dor cay daa bɨ yo hɨn̰: «Tama, ka-ɗɔ kɔl cɛɛ le ba anige ga? Kɛ ungo pɨna wo̰ ya gɨ kɔl na ƴɨma cɛɛ naŋ ga?»

Kɔl-gɨ-Ɗari gɨ Ja̰ wal 8:12

Jesu jɨga yen̰ dɨmdɨrdi kalaŋ ɗaŋ coŋ yege hɨn̰: «Ɨŋ na asɨn̰a gɨ da kalaŋ ga cay gɨsəŋ gaŋ. Ungo gɨ na kɨba karɨnɨ na, kɨya gɔrɛ duroy dɨlɨm dɨŋ naŋ bɨ, kɨya wɔɔ asɨn̰a gɨ or a kɨɗɨn̰ sɔmɛ-bɨra gɨ dan̰ cɨndi gɨŋ bɨ.»

Kɔl-gɨ-Ɗari gɨ Ja̰ wal 8:2

Ɗaŋdo dan̰ te jogɨɗu cururu na, ban jogɨ duroy ƴaa-di-da-Kumu dɨŋ. Bɨ kalaŋ nɔm ɨrgage gusi ɨni na, ban som dugo bɨ ay te gɨlge hɨnga.

Kɔl-gɨ-Ɗari gɨ Ja̰ wal 8:3

Ɨni na, ka-gɨlɨn̰ kalaŋ gasɨn̰-kɔl gɨ da Moyis bɨ, Parɨsɨn̰an̰əŋ bɨ, ɨrgan̰ge dan̰ tama di pɨna wo̰ di kan ƴɔmɔɔge cay yɔyɛ dan̰ bara gɨ da mɨgaa. Bɨ kan sooge duroyge,

Kɔl-gɨ-Ɗari gɨ Ja̰ wal 8:8

Bɨ ban jogɨ dɔgɛ cay dugo ɗaŋ, ay te kayɨde hɨnga cay gɨsəŋ gaŋ.

Magtubu di Pol wal bɨn̰ kalaŋ ga Rɔm 2:15

Na hɨn̰ wo̰ ma kan gɨl gɨ gɨye-lɔɔ gɨ gasɨn̰-kɔl ba gey gɨ kan na laa le, na hɨnga ga kan walge na a kuduroyge ɨni bɨ, ɨrɨmedɨge na lee tɨmon̰di cay nee bɨge bɨ. Kɨya wa ɨrɨmedɨge gɨlge hɨnga ga ɗari bɨ, ga ɨsɨn bɨ.

Magtubu di Pol wal bɨn̰ kalaŋ ga Rɔm 2:22

Ji gɨ ba nare yɔyɛ tam mɨgan̰ wala bara gɨ da mɨgɛɛ le, kɛ na kɨya wa ma man̰ jɨga yoy tam mɨgan̰ ga? Ji gɨ kuduron̰ aya kulan̰əŋ naŋ yɔd le, kɛ na kɨya wa man̰ jɨga don hɨnga ga a duroy ƴaa gɨ da kulan̰əŋ gaŋ coŋ ga?

1 Ja̰ 3:20

Hɨn̰ gɨ ɨrɨmedɨnagɨŋ na dɨbɨ kɔl cay nagɨŋ kalɨn̰ ma, Kumu gumu ɗɨn̰ ɨrɨmedɨnagɨŋ bɨ, ban sol hɨnga nɔm bɨ.