1 Kɨɗɨn̰ ga Jesu ye kɔl hɨn̰ wo̰ nɔm coŋ ɨni na, Ban ay cɨndi da solɨn̰ gɨɗɨgɨ-Kumu bɨ ye hɨn̰: «Banɨ, tɨwadi ɓal ɨni, gɨl gusoŋ-tɔgɛ kon̰ a cay kurondɨn̰, ɗe gɨ kurondɨn̰ kalɨn̰ ma gɨlɨn̰ kalaŋ ga cay gɨsəŋ gaŋ gusoŋ-tɔgɛ kon̰ bɨ.
Ama ba-hɔgɛ lambo le, say ɨre daa hen̰ sɛdɨ. Tɨdi kalɨn̰ ma gey aye daa solɨn̰ gɨɗɨgɨ-Kumu naŋ. Ama ban de kuduroy dan̰ kobi rab rab ye hɨn̰: “Ay! Kumu, sɨla cɨn̰ n̰age tɨnge ɨŋ-bandi gɨ ba-lɔɔ ɨsɨna.”
Dan̰ wɔlɛ pɨna pɨna, ɨŋ ɨre danagɨŋ pɨna a duroy gulɔŋ ƴaa-di-da-Kumu dɨŋ kɛ bɨ, ungo pɨna wo̰ dɨba kobi gusɨnɨ kɨya ƴɔmɔŋ naŋ. Ama tɨwa di haw kɛ na, na tɨwa togɨŋ bɨ, na tɨwa da dɔnɔ di ɨsɨni di lee gɨye boy dɨlɨm dɨŋ bɨ.»
Kɨɗɨn̰ ga Jesu je ƴɔbɛ gɨ nee le na, ban ye hɨn̰: «Hɔmɨn̰ɛ gɨ nee le kɨya dɨɗe kɨbi dan̰ tɨma naŋ, ama woy na kɨya dɨbe gusoŋ-tɔgɛ a cay Kumu ɗe gɨ Kurɨn̰-Kumu kalɨn̰ ma wan̰ gusoŋ-tɔgɛ nee bɨ.»
Tumoyi, wɔlɛ gɨ ni leen̰ kɨdɨrɛ gɨ ni Pakɨ gɨ da Jubɨn̰əŋ na, Jesu sol gɨ tɨwa toy ɓal. Na tɨwa di ban kɨya ɗen̰ cay gɨsəŋ bɨ, orɨn̰ gusi Bay le. Ban gɨ gey kalaŋ kayi ga a cay gɨsəŋ gaŋ le, geyge bɨrɨŋ dɨɗɨn̰ kɨbi.
Sɨlagɨŋ, tɨwadi kɨya caga bɨ, hɨndi caga ɨni bɨ. A boy tɨwadi di nee le, kan kɨya sugudɨgɨŋge pɨna pɨna. Waŋ waŋ kalɨn̰ ma kɨya ɔrɛ a kɨɗɨn̰di gaŋ kɨɗɨn̰di gaŋ. Kɨŋ kɨya ɗɔŋ ɨŋ-bandi kan̰nɨ haŋge. Ama ɨŋ na kan̰nɨ naŋ, kɨya wa Banɨ woy danaŋ.
Ban ye kɔl gɨ nee le na kɨya Turnɔ di da Kumu di ka-aye kudurɔ ba kɨya wɔɔge le. Duroy wɔlɛn̰əŋ ga nee le, Kumu bɨn̰ kalaŋ ga beege kuduroyge cayi Turnɔ ɗe-kuduroy-bɛrɛ naŋ ƴee, kɨya wa dɨbge gusoŋ-tɔgɛ cay Jesu naŋ ƴee.
Jesu ye kɔl gɨ nee le, na kɨɗɨn̰ ga ban ɨre gɨlɨn̰ kalaŋ kɔl duroy ƴaa-di-da-Kumu dɨŋ, mɨnde dan̰ hɨnga ga kan been̰ gursu nee bɨn̰ Kumu. Ungo ɓala ƴɔmii naŋ kɨya wa tɨwa toyii di Kumu ojɨ le ɨre naŋ ƴee.
Kumu gɨ da mon̰inagɨŋ le, na Kumu gɨ da Abɨraham bɨ, Isag bɨ, Jagob bɨ, ban dɨbɨ gusoŋ-tɔgɛ cay marɨna ba-gɨye koyi Jesu, ban gɨ kɨŋ ba dobii kobɨ Piladɨ bɨ, kɨŋ kan̰ii tumoy Piladɨ kɨɗɨn̰ ga Piladɨ ba gey ɗoyi daa le.
