Kɔl-gɨ-Ɗari gɨ Ja̰ wal 15:4 - Gabri Maja

⁴ Bugoŋgɨŋ pɨna danaŋ hɨn̰ gɨ ɨŋ ba bugoŋ pɨna danagɨŋ wo̰ bɨ. Kobɨ hɨyadi suru kɨya wɔɔ karɨndi cay gusi naŋ. Ama kɨya wɔɔ karɨndi na kɨɗɨn̰ ga ban na bugoŋ pɨna dan̰ hɨyadi suru dɨm. Hɨn̰ wo̰ na kɨŋ kalɨn̰ ma, kɨŋ na bugoŋ pɨna danaŋ naŋ na, kɨŋ kɨya wɔyɛ na hɨn̰ hɨyadi suru gɨ ɓala wɔɔ karɨndi cay gusi naŋ wo̰ bɨ.

Kɔl-gɨ-Ɗari gɨ Ja̰ wal 15:4 交叉參考

1 Ja̰ 2:6

Ungo gɨ na ya gɨ ɗi na bugoŋ pɨna dan̰ Kumu na, ojɨ gɨ ban kɨya ɔrɛ a cay gɨsəŋ gaŋ hɨn̰ gɨ Kɨris ba orɨn̰ a cay gɨsəŋ gaŋ wo̰ bɨ.

Galad 2:20

Ɨŋ som dan̰ cɨnɨ haŋge ama na ɨŋ-bandi naŋ, na Kɨris ba-sɔmɛ dan̰ cɨndi a kuduronɨ. Kɨya wa sɔmɛ hɨnge hɨn̰ ungo gɨ ɨndi haw kɛ na, ɨŋ som na kɨya aye gɨ ɨŋ ay kuduronɨ bɨn̰ Kurɨn̰-Kumu. Ban geyəŋ kɨya wa ban ɗe gusi bɨn̰ tɨma ban̰nɨ.

Kɔl-gɨ-Ɗari gɨ Ja̰ wal 8:31

Jesu yen̰ Jubɨn̰əŋ ga ba beege kuduroyge cayi le, yege hɨn̰: «Hɨn̰ gɨ kɨŋ na ɨr cay kɔl hɨnge na, kɨŋ na ka-aye-cay-tɨbanɨ ga cɨndi.

2 Ja̰ 1:9

Waŋ waŋ gɨ na ɨr usa a te hɨnga ga ni gɨle ga da Kɨris gaŋ naŋ, ama na dɨbɨ kɔl gɨ hɨrɨwa a cay hɨnga ga ni gɨle ga da Kɨris gaŋ na, Kumu unɔ danayi. Ungo gɨ na ɨr usa a te hɨnga ga ni gɨle gaŋ na, ban ma na ungo gɨ bugoŋ pɨna dan̰ Baynagɨŋ Kumu bɨ dan̰ Kurondi bɨ.

Kɔl-gɨ-Ɗari gɨ Ja̰ wal 6:56

Ungo gɨ na da kuyoŋnɨ bɨ, sa kɨbarnɨ bɨ na, ban bugoŋ pɨna danaŋ bɨ, ɨŋ bugoŋ pɨna danayi bɨ.

Pilib 1:11

Kɨŋ kɨya lɔɔ hɨnga ga dan̰ durɔ ɗɨngar ga toyge kan̰dɨge kan̰dɨge dan̰ gɨyəŋ gɨ da Jesu-Kɨris kɨya dɨbɨn̰ gusoŋ-tɔgɛ a cay Kumu bɨ, hɨramii bɨ.

Kɔl-gɨ-Ɗari gɨ Ja̰ wal 14:20

A boy wɔlɛdi gɨ nee gɨŋ le, kɨŋ kɨya sɔlɛ gɨ ɨŋ na woy a kuduroy Banɨ bɨ, kɨŋ kalɨn̰ ma kɨŋ na woy a kuduronɨ bɨ, ɨŋ na woy a kuduroygɨŋ bɨ.

Kɔl-gɨ-Ɗari gɨ Lug wal 8:15

Gasi gɨse ga bugoŋ cay gɨsəŋ ga ɗari gaŋ le, gɨlɨn̰ na dan̰ kan ga ƴeege kɔl gɨ da Kumu dan̰ kuduroyge ga kuɗa bɨ, ɨrege kɛgɛgɛ cay tɨbayge kɨya ƴɔɔge bɨ, dɨbɨn̰ge-ɗugoyge bɨrɨŋ andɨn̰ hɨnga bɨge.

2 Korɛ̰t 13:5

Ɨngɨrgɨŋ gusɨgɨŋ kogɨŋ, kɛ leen̰ cɨndi kɨŋ na ka-aye kudurɔ ga? Kɨbagɨŋ gusɨgɨŋ sɨla. Kɛ kɨŋ sɨla gɨ Jesu-Kɨris na wɨya gusɨgɨŋ naŋ ga? Leen̰ cɨndi duroy kɔbɛ gusɨgɨŋ gɨŋ le hɨn̰ gɨ kɨŋ na sɨla gɨ Kɨris na unɔ gusɨgɨŋ na, kɨŋ na ga gabaŋ.

Kɔlɔs 2:6

Tumɔ kɨŋ je gɨ Jesu-Kɨris le naa Ba-gulɔŋ bɨ, kɨŋ bee kuduroygɨŋ cayi bɨ. Na toy di hɨn̰ wo̰ ma maŋ yəgɨŋ, ɗe gɨ kɨŋ kɨba gɨyəŋ koyi kuɗa.

Kɔlɔs 1:27

Kumu haŋgɨ cɨn̰ kalaŋ ga woy dan̰ cɨndɨge a cay gusoŋ-tɔgɛ bɨ, a cay marɨna gɨ da hɨnga ga tumɔ wosɨ gusɨge duroy kalaŋ ga toyge na Jubɨ naŋ bɨ. Hɨnga ga da Kumu ga woy a kɨɗɨn̰ wɔsɛdɨge gaŋ le, na Kɨris gusi gɨ som a kuduroygɨŋ. Ban kɨya bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee ga kɨya orɨn̰ danagɨŋ a gusoŋ-tɔgɛ koyi gɨŋ bɨ.

Gɨye-lɔɔ 14:22

A boy cay ƴaan̰əŋ ga pɨna pɨna ga nee le, kan dobɨge bandɨ kuduroy ka-aye-cay-tɨbay Jesu bɨ, ɨngɨrge gɨ kan na sɨma cay tɨbayge dɨŋ a cay aye kudurɔ gɨŋ. Bɨ kan say yege hɨn̰: «Naa wa wa kalɨn̰ ma hɨnga ga ni dɔsɛ-ɗugɔ kɨya looni tɔgɨ pa dɨm ma, mani kɨya andɨn̰ a boy dɔɔ-ƴaa di da Kumu dɨŋ ƴee.»

Kɔl-gɨ-Ɗari gɨ Ja̰ wal 17:23

Ɨŋ-bandi, ɨŋ woy kuduroyge hɨn̰ gɨ Ji-bandi, ji ba woy kuduronɨ wo̰ bɨ. Na hɨn̰ wo̰ ma, kan kɨya ɓalege bugoŋge pɨna dɛj dɛj. Ɗe kalaŋ ga cay gɨsəŋ gaŋ solge gɨ Ji na ba gɨyigəŋ bɨ, ji na geyge hɨn̰ gɨ Ji ba geyəŋ wo̰ bɨ.

Epɛs 3:17

Bɨ kuɗa gɨ Kɨris sɨma kuduroygɨŋ dan̰ gɨyəŋ gɨ da aye kudurɔ bɨ, kuɗa gɨ geye bɨlgɨŋ wɨya hɨn̰ sarnay hɨnga bɨ, te hɨnga bɨ, bɨrɨŋ gɨsɨn̰ gɨ agɨŋ leen̰ hɨnga nɔm dan̰ geye.

Gɨye-lɔɔ 11:23

Kɨɗɨn̰ ga ban say or sɔlɛ ɗarwa di Kumu lee le ɨni na, gusi-moy tɔgɨ bɨ, ban dobɨ bandɨ kuduroyge nɔm, ɗe kan na ɨrɨn̰ cay tɨbayge dɨŋ usa kardi Ba-gulɔŋ bɨ.

Kɔlɔs 1:23

Ama kuɗa gɨ kɨŋ ɨr a cay tɨbaygɨŋ dɨŋ bɨ, tɨbagɨŋ sarnaygɨŋ gag gag dugo bɨ, ɨrɨn̰gɨŋ usa cay nee a te aye kudurɔ gɨŋ. Dɨle gɨ hɨnga wo̰ gɨ dorgɨŋ orɨn̰ danagɨŋ hen̰ dan̰ hɨnga ga kɨŋ bee ɨrɨmedɨgɨŋ cay nee gɨ Kɔl-gɨ-Ɗari ba bɨgɨŋ le. Kɔl-gɨ-Ɗari gɨ nee le, teege bɛrnɛdi bɨn̰ kalaŋ nɔm ga a cay gɨsəŋ gaŋ. Na ban ma ɨŋ-bandi Pol bɨle ba lɔɔ gɨyedi.

1 Tesalonigɨ 3:5

Na ban ma ɨŋ waa kɨɗɨn̰ ga ni dɨbɨn̰ ɗugonɨ naŋ, lee gɨ ɨŋ gɨy Timote ɗe na je kɔl gɨ ojɨ cay aye kudurɔ kogɨŋ le. Ɨŋ hɨndar gɨ Ba-gɨybe kalaŋ na da gɨybɨgɨŋ ɗe gɨlaledɨni da ban̰ gusɨni.

Əbɨro 10:39

Ama na-gandi na, na na kalaŋ ga kɨya dɔrɛ toynagɨŋ karu ɗe ana na orɨn̰gɨŋ mundoŋ gɨŋ naŋ. Na na kalaŋ ga ka-aye kudurɔ bɨ, na orgɨŋ na te gɨyəŋ gɨ ni pɔɗɛ gɨŋ bɨ.

Matɨyo 12:33

«Hɨn̰ gɨ hɨya naa gɨ ɗari na, kɨya wɔɔ wɔɔdi gɨ ɗari bɨ, hɨn̰ gɨ hɨya naa gɨ ɨsɨni na, kɨya wɔɔ wɔɔdi gɨ ɨsɨni bɨ. Hɨya gɨ ani ani kalɨn̰ ma, na wɔɔdi ba kɨya gɨle toyi.