1 Cɨn̰-n̰age di Kɨris way a kuyoŋdi-gusi gɨŋ le kɨŋ sol kuɗa. Na toy di hɨn̰ wo̰ ma kɨŋ-gandi kalɨn̰ ma, kɨŋ ɗa gɨ ɨrɨme gɨ hɨn̰ wo̰ woy caygɨŋ bɨ. Kɨya wa ungo gɨ way cɨn̰-gɨle-cɨn̰ a kuyoŋdi-gusi gɨŋ le, kan puyonge coŋ dan̰ ɨsɨna.
Na toy di hɨn̰ wo̰ ma, kɨŋ-gandi kalɨn̰ ma sɨlagɨŋ gɨ kɨŋ ma ɨni bɨ, kɨŋ dor gusɨgɨŋ a te dɔnɔ di da ɨsɨna gɨŋ coŋ ɨni bɨ, kɨŋ som-bɨra leen̰ hɨnga nɔm kɨya cay Kumu te bugoŋ pɨna dan̰ Jesu-Kɨris bɨ.
Ɨŋ som dan̰ cɨnɨ haŋge ama na ɨŋ-bandi naŋ, na Kɨris ba-sɔmɛ dan̰ cɨndi a kuduronɨ. Kɨya wa sɔmɛ hɨnge hɨn̰ ungo gɨ ɨndi haw kɛ na, ɨŋ som na kɨya aye gɨ ɨŋ ay kuduronɨ bɨn̰ Kurɨn̰-Kumu. Ban geyəŋ kɨya wa ban ɗe gusi bɨn̰ tɨma ban̰nɨ.
Kalaŋ ga da Kɨris le gagɨlge kuyoŋdi-gusɨge dan̰ tabɨlaŋdi hɨnga ga ul kuyoŋdi-gusɨge bɨ, dan̰ tabɨlaŋdi hɨnga ga da kuyoŋdi-gusɨge a cay sɨya-gɨ-dagɨli gɨŋ.
Ho’o ungo gɨ na andaŋ a kɨɗɨn̰ dɔrɛ gɨlale ga da Kumu gaŋ na, dor gɨlale a kɨbɨ gɨye-lɔɔdi gɨŋ hɨn̰ gɨ Kumu ba dorɨn̰ gɨlale a kɨbɨ gɨye-lɔɔdi gɨŋ wo̰ bɨ.
Kɨya wa Kɨris gusi koyi ma na kol cay ɨsɨna gɨ kalaŋ leege. Ban kɨya mare tɨma di ɗaŋ naŋ ɨni. Ban gɨ na ungo gɨ dan̰ durɔ ɗɨngar le, ma kɨya cay kalaŋ ga dan̰ durɔ ɗɨngar naŋ, kɨya orɨn̰ danana gusi Kumu. Dɨɗɨge kuyoŋdi-gusi, ama Turnɔ di da Kumu boyi lɨbi.