Yohanes 5:14 - Surat Ralan na'a Vaidida

¹⁴ Wol mnanat, na Yesus ntuan ewal tamata yai naꞌa Yahudi rira Rahan Dawan Falurut ralan a. Ba nfalak verin ia ne, “Lolin roak oa ta baba. Deka motu salasilan kikyai, boma deka mtuan sian i nlia tali lan a.”

Yohanes 5:14 交叉參考

Matius 12:45

Ba nait sian yai novun nait sian ifitu i rira sian veran lia ia. Ira rti ma rleal tamata yai. Ti nata tamata yai ni sian veran rahi roak lan a. Wean inyai vali verin tamata ktufan ovi rvaꞌat naꞌa tuvu ini.”

Markus 2:5

Yesus nsiꞌik tamata avyai, na nkaꞌa lahir ne, rira inorang a dawan, ba nfalak verin tamata laklukut yai ne, “Baba, aꞌi vatuk roak mu salasilan ra.”

Yohanes 5:13

Naꞌuk ia wol nkaꞌa tamata i notu ma lolin ia yai, tevek Yesus ti nanaꞌa tamata rivun fruarira ra, ba wol nrea roak Ia.

Yohanes 5:5

Tali tamata suhut avyai, na brana isa nawar ia varat vututelu rahin iwalu roak.

Yohanes 8:11

Vata yai nfalak ne, “Duilaꞌa, wol tamata rukun yaꞌa.” Ba Yesus nfalak ne, “Yaꞌa vali wol ukun oa. Ba mewal oa, ovu tali amar ini, na deka motu salasilan kikyai.”

1 Petrus 4:3

Lan a, myorang watan tamata ovi wol rkaꞌa Ubu, naꞌa rira afa ovi rotu ra. Naꞌa bira vavaꞌat lan ra, na miktufan urun ovu myotu watan afa ovi wol inovan ra, myorang watan bira ininan sian ra, ovu boranavut mia. Mia myotu vali bira snoba ra ma minavut sian ovu myotu afa ktufan ra, ovu vali msyoak verin walut ra, ma Ubu wol inan lahir afa avyai.