Yohanes 13:36 - Surat Ralan na'a Vaidida

³⁶ Simon Petrus nfalak verin Yesus ne, “Duilaꞌa, mane muti ba?” Yesus nfalak ne, “Naꞌa wan i veka uti a, fiang ini wol bisma muti. Naꞌuk naꞌa amar ovi veka rma ini, na oa veka morang Yaꞌa.”

Yohanes 13:36 交叉參考

2 Petrus 1:14

Tevek ukaꞌa roak ne, veka wol mnanat na umata roak, wean lahir i dida Duilaꞌa Yesus Kristus nfalak roak verin yaꞌa.

Yohanes 13:33

Yanak averi, Ning amar a wol mnanat roak ma unaꞌa ovu mia. Afa i ufalak roak verin dawan Yahudi ra, wean lahir afa i fiang ini ufalak vali verin mia. Mia veka mdyava Yaꞌa, naꞌuk naꞌa wan i veka uti a, fiang ini mia wol bisma miti.

Yohanes 16:17

Ba Yesus Ni tamata ovi rorang Ia boku rsiforat ira ma rfalak ne, “Afakinimi nfalak ne, ‘Ning amar wol mnanat roak ma veka wol mryea roak Yaꞌa, ovu veka wol mnanat, na mryea ewal Yaꞌa’? Afakinimi Ia nfalak vali ne, ‘Yaꞌa mane ewal Yaꞌa ti verin Yamang a’?”

Yohanes 14:2

Wan rivun naꞌa Yamang Ni Rahan a. Uti inveli, boma ususan wan verin mia. Wean i wol wean inyai, na ufalak roak verin mia.

Yohanes 16:5

Fiang ini mane ewal roak Yaꞌa uti utuan Ia i nsinir Yaꞌa, naꞌuk wol tamata isa vali tali mia norat Yaꞌa ne, ‘Muti ba?’