Yakobus 4:16 - Surat Ralan na'a Vaidida

¹⁶ Naꞌuk mia baꞌi mingrihi ma fyakaratat tenabira ra. Fyakaratat tenabira wean inyai, na wol kena lahir.

Yakobus 4:16 交叉參考

1 Korintus 5:6

Ba wol inovan lahir ma fyakaratat tenabira ra naꞌa afa ovi sian ra. Mia wol mkyaꞌa ne ragi, velik ne koꞌu watan, naꞌuk bisma nfamela terigu ma dawan ilaꞌa. Inyai wean vali tamata i notu afa sian isa watan, naꞌuk bisma nlabir nala munuk mia.

Yakobus 3:14

Naꞌuk wean i tamata isa wol inan lahir ma nsiꞌik tamata liak ni lolin a, ovu nfikir aꞌuk tenan a, na deka nfakaratat tenan a ma nsiklabir ma nfulak nvali afa ovi kena ra.

1 Yohanes 2:16

Tevek afa ovi rnaꞌa lanit ivavan ini, wean afa sian ovi tamata salasilan ra inarira, ovu rboꞌitea afa ovi rsiꞌik ra. Afa isa vali nanaꞌa tamata ovi rfakaratat tenarira ra, tevek rira metan ra. Afa avyai wol rtali Yamadida, naꞌuk rtali watan lanit ivavan ini.

Wahyu 18:7

Myotu lahir ma nfarnuang wawaꞌuk i dawan urun a, ma inovan ovu ni kakaꞌi a ovu ni kul dawan ma nfakaratat tenan a. Ia nfikir naꞌa ralan ne, ‘Yaꞌa ufareta wean ratu, yaꞌa wol varu yaꞌa, ovu vali yaꞌa ufena lahir ma ralang lalau.’