Matius 24:23 - Surat Ralan na'a Vaidida

²³ Naꞌut inyai, na wean i tamata ra rfalak verin mia ne, ‘Eka msyiꞌik. Raja i ntevut dida salasilan ra nma roak, ma nanaꞌa ini te nanaꞌa ineri,’ naꞌuk deka myorang ira!

Matius 24:23 交叉參考

Markus 13:21

Naꞌut inyai, na wean i tamata ra rfalak verin mia ne, ‘Eka msyiꞌik, Raja i ntevut dida salasilan ra nma roak ma nanaꞌa ini te nanaꞌa ineri!’ naꞌuk deka myorang ira.

Lukas 21:8

Yesus nfalak ne, “Msyiꞌik wabira ma lolin, boma tamata ra deka rlabir nala mia! Ufalak wean inyai, tevek tamata rivun veka rma ma rala narang a ma lokat ira kaꞌi rfalak ne, ‘Yaꞌa Raja i ntevut bira salasilan ra.’ Ovu vali boku veka rfalak ne, ‘Duilaꞌa mane nma ewal roak.’ Deka myorang lahir afa ovi rfalak ra.

Yohanes 5:43

Uma ovu Yamang Ni ngrebat a, naꞌuk mifena ma mtyorung Yaꞌa. Naꞌuk wean i tamata liak isa nma ovu ni ngrebat a, na mtyorung ia.

Kisah 27:11

Naꞌuk suldadu dawan yai wol norang Paulus ni snurak a, ma norang watan tamata i ntaha wilin ovu tamata i ni kabal a, rira afa ovi rfalak ra.