Lukas 9:25 - Surat Ralan na'a Vaidida

²⁵ Velik ne tamata isa nasdovu munuk metan ovi rnaꞌa lanit ivavan a, naꞌuk wol ni vavaꞌat kakiwal, na ihin aka? Metan ovi rnaꞌa lanit ivavan ini wol rotu ma utun akataka.

Lukas 9:25 交叉參考

Matius 13:48

Ti ma jaring nala ma rivun roak, na raravut jaring rara ngur ratan, ma rdoku rtakal ian ra. Ira rasdovuk ian ovi lolin ra naꞌa ahir ra, naꞌuk rvatuk watan ian ovi sian ra.

Matius 13:50

Nata sansinir avyai veka rvatuk tamata sian ra ma ti rnaꞌa yafwan kakiwal. Naꞌa inyai, na veka rvakar ma dawan ovu nifarira ra rsitutu ira, tevek rfarnuang wawaꞌuk i dawan a.

Matius 16:26

Wean i tamata isa nasdovu munuk metan ovi rnaꞌa lanit ivavan a, naꞌuk wol ni vavaꞌat kakiwal, na ihin aka? Ia ki nala aka ma al nkati vavaꞌat kakiwal yai? Wol nala akataka lahir!

Markus 8:36

Wean i tamata isa nasdovu munuk metan ovi rnaꞌa lanit ivavan a, naꞌuk wol ni vavaꞌat kakiwal, na ihin aka?

Kisah 1:18

(Yudas nala kubang i Yahudi ra rala verin ia tevek nfedi Yesus, ma al nfaha lanun. Naꞌa lanun yai, na nleka fangofak ia, ma nmata. Evun a nakfefar lahir ovu tnean ra rma murin.

Kisah 1:25

boma neluk rasul ma nkati Yudas i nti talik roak ni karya i mala verin ia, ba nti wan i inovan ovu afa i notu.”

1 Korintus 9:27

Naꞌuk ukiwal urun tenang a ovu utahang nal ralang naꞌa afaka watan, boma ti ma i ufamalik roak Ubu Ni Ivar Lolin a verin tamata liak ra, na Ubu wol nfalak ne, ning vavaꞌat a wol inovan ovu ning karya i otu a.

Ibrani 10:34

Mia fyarnuang vali tamata ovi rnaꞌa buꞌi ralan rira susa ra, ma mlyobang ira. Wean i tamata boku rkiwal ma rala bira metan ra, na ralabira lolin watan, tevek mkyaꞌa roak ne, bira metan mngaꞌun ra rnaꞌa obin, ovu metan avyai veka rnaꞌa lalawatan, nata ti wol ni wahan.