Ibrani 9:1 - Surat Ralan na'a Vaidida

¹ Terang a valing averi, lalan ana Ubu nala Ni tnorung mnanat verin Musa. Tnorung yai ni adat ma nfalyawang wean inba ma tamata ra rfadawang Ubu, ovu rahan ma tamata raflurut naꞌa. Rahan yai tamata ra kaꞌi rotu watan.

Ibrani 9:1 交叉參考

Lukas 1:6

Zakharia irua awan a rira vavaꞌat ra rmalola naꞌa Ubu wahan ralan a. Irua ralarira urun ma rot-orang munuk afa ovi Duilaꞌa nfadoku roak naꞌa Ni inukun ra.

Roma 9:4

Ira tamata Israel ira. Ubu nfili roak ira, ma nala ira ma reluk yanan ra, ovu nfaturu lahir Ni ngrebat verin ira. Ia notu tnorung ra verin ira, ovu nala Musa ni inukun ra verin ira. Ubu nfaturu vali verin ira ne, wean inba ma raraning Ia ovu nala roak Ni tnorung ra verin ira.

Kolose 2:8

Msyiꞌik wabira ma lolin, boma tamata ra deka rlabir waweang mia, ma rkiwal ovu rair mia, ma myorang rira fikiran ovi rfalak ne rira kakaꞌa, naꞌuk wol kena ovu vu watan. Afa ovi rair ra wol rtali Kristus, naꞌuk rtali afa ovi tamata ra kaꞌi rotu watan a, ovu vali adat ovu inukun ovi rnaꞌa lanit ivavan ini.

Ibrani 8:13

Ba terang a valing averi, Ubu nfalak roak naꞌa Ni tnorung ngorvaꞌan a ne, tnorung ngorvaꞌan nkati roak tnorung i mnanat yai. Tevek tnorung mnanat yai mnanat daꞌin roak, ovu veka nmamu watan.

Ibrani 8:2

Ia nkarya ma neluk Mela Falurut Ilaꞌa naꞌa wan i nmerat rahi lia munuk. Ihin a ne, naꞌa rahan falurut mngaꞌun i naꞌa lanit ratan. Duilaꞌa saꞌi not-nala rahan yai, ovu rahan yai wol wean befak dawan i lalan a tamata ra rotu ma raraning Ubu naꞌa.

Ibrani 8:7

Tnorung mnanat yai wol not-nala ma tamata rira vavaꞌat ra lolin ewal ovu Ubu, ba Ia nala tnorung ngorvaꞌan a ma al nkati inukun avyai.

Ibrani 9:24

Kristus wol nti befak dawan i tamata rotu a. Befak dawan yai labir mane wean watan wan i nmerat rahi lia munuk a naꞌa lanit ratan. Naꞌuk Ia nti lahir lanit ratan, ma fiang ini ndiri Ubu wahan ralan ma naflurut verin ita.