Ibrani 7:21 - Surat Ralan na'a Vaidida

²¹ Naꞌut i Ubu nfili Yesus ma neluk mela falurut, na Ia nafwaba lahir ne, “Yaꞌa ufwaba roak ma veka wol ukati afa ovi ufalak roak naꞌa Ning fawaba a ne, ‘Oa meluk mela falurut, nata ti wol ni wahan.’ ”

Ibrani 7:21 交叉參考

Roma 11:29

tevek Ubu wol nkati Ni tnorung a verin tamata ovi nfili ovu naflahar roak ira.

Ibrani 5:6

Ubu nfalak vali roak naꞌa Surat Ralan ne, “Ufili roak Oa ma meluk Mela Falurut, nata ti wol ni wahan, wean lan a otu vali verin Melkisedek.”

Ibrani 7:17

Tevek rtulis roak naꞌa Surat Ralan ne, “Oa meluk mela falurut, nata ti wol ni wahan, wean lan a otu vali verin Melkisedek.”

Ibrani 7:20

Nlia tali inyai, na ita tkaꞌa ne, Yesus neluk mela falurut ma Ni karya lolin lia mela falurut ovi rtali Lewi ubun-nusin ra, tevek Ubu nafwaba roak ma Yesus neluk mela falurut. Naꞌuk Ubu wol notu wean inyai verin mela falurut ovi ula roak ira.

Ibrani 7:23

Terang a valing averi, eka tanovak ewal naꞌa afa isa ini. Tamata Yahudi rira mela falurut ra musti rivun ira, boma naꞌut i rmata, na liak ra bisma rkati ira ma rfabana rira karya a.

Ibrani 7:28

Musa ni inukun ra rfalak ne, tamata ra reluk Mela Falurut Ilaꞌa, naꞌuk wol rira ngrebat, tevek tamata watan ira. Naꞌuk Ubu nala roak Ni inukun ra verin Musa, beti nafwaba ma nsikat Yanan a ma neluk Mela Falurut Ilaꞌa. Ubu Yanan a Ni ngrebat dawan urun ovu wol Ni salasilan akataka, nata ti wol ni wahan.