Ibrani 10:25 - Surat Ralan na'a Vaidida

²⁵ Fara deka fyaroa tenabira ra tali tamata ovi rorang Ia rira sidovung ra, wean lahir tamata boku baꞌi rotu. Naꞌuk ivaꞌudida ma tsisurak ovu tsilobang ita, tevek tkaꞌa roak ne, wol mnanat, na Duilaꞌa veka nma ewal.

Ibrani 10:25 交叉參考

Matius 10:15

Afa i ufalak verin mia ini, kena urun! Ba naꞌa amar i Ubu nma ma nukun tamata ra, na Ni inukun i veka nala verin tamata avyai nlia inukun i veka nala verin tamata ovi lan a rleal kota Sodom ovu Gomora.”

Matius 18:20

Tevek naꞌa inba watan, wean i tamata inorang irua te itelu rasdovu ira, na Yaꞌa unaꞌa vali inyai.”

Yohanes 12:48

Tamata iki watan wean i wol ntorung Yaꞌa, te nafena ma nrenar afa ovi ufalak ra, na Ning vaivatul ra veka rfaleka inukun verin ia naꞌa amar i lanit ivavan veka namwear.

Kisah 16:16

Amar isa, na mane amati wan falurut i naꞌa oar nelan yai, na amtuan vata sansinir isa. Vata yai nait sian nleal ia, ma notu ma nanovak nala afa ovi veka rvotuk naꞌa amar ovi veka rma. Vata yai notu ma duan ra rira kubang a dawan, tevek tamata ra rbahir ia ma nfalak afa ovi veka rkena ira.

Kisah 2:1

Ti naran amar dawan Pentakosta, na tamata ovi rorang Yesus rasdovu munuk ira naꞌa wan isa.

Kisah 2:42

Tamata avyai ivaꞌur urun ma rorang ma dawan afa ovi rasul rair verin ira. Ira ralar isa ma baꞌi rasdovu ira ma rafnaꞌan kida ovu raflurut.

Kisah 20:7

Amar kareda ni lervava ana, amasdovu ami naꞌa rahan isa ma amafnaꞌan kida. Paulus nangrihi ma dawan verin tamata ra, ti naran nafafruan tenan, tevek ni ilyan ana, mane nti talik ira.

Roma 12:8

Wean i Ubu nala yabi verin tamata isa ma nsurak tamata ra ma nfangrebat ralarira ra, na ia musti nsurak ira ovu ralan urun. Tamata i ni yabi ma nsiduk ni metan ra verin tamata liak ra, na ia musti notu ovu ralan urun. Tamata i ni yabi ma nban-ulu verin tamata ra, na ia musti nfabana ni karya yai ovu ralan urun. Tamata i ni yabi ma nfaturu ni rala lolin verin tamata kasian ra, na ia musti notu ovu ralan lolin.

1 Korintus 11:20

Velik ne mia mnyari ne misdovu mia ma mifnaꞌan al mingnanang Duilaꞌa Yesus, na afa yai wol kena.

1 Korintus 14:23

Ba wean i tamata ovi wol rorang Yesus rma bira sidovung a naꞌut i misdovu mia, ma mimunuk myala vai ovi wol mkyaꞌa ra, na ira veka rfalak ne, fyoar roak!

1 Korintus 14:3

Naꞌuk tamata i ni yabi ma nfamalik vaivatul ovi nrenar lahir tali Ubu, na ia nfamalik verin tamata ra. Notu wean inyai, boma nfangrebat tamata liak ralarira ra, ovu nsurak ira ma ivaꞌur ma rorang Yesus, ovu vali nfaloling ralarira ra.

1 Korintus 3:13

Lokat tamata rira karya ra veka rvotuk naꞌut amar i Yesus Kristus veka nma ewal a, tevek naꞌa amar yai vali, na Ia veka nma ovu yafu ma nfavotuk lahir lokat tamata rira karya ra. Ia veka nala yafu yai ma al nlanat ira, boma nsiꞌik lahir ne, rira karya ra mngaꞌun te wahal.

1 Korintus 5:4

Wean i misdovu mia ovu ngrebat i tali dida Duilaꞌa Yesus Kristus, na fyikir watan ne, yaꞌa unaꞌa roak bira sidovung a. Ba myala Duilaꞌa Yesus Kristus naran a ma myaling vatuk tamata yai tali bira sidovung a, ma myala ia ti verin nitdawan a, boma nwi-nwa ia ma ni susa dawan ilaꞌa. Myotu wean inyai, boma ti naran amar i Duilaꞌa veka nma ewal ma nukun tamata ra, na Ia veka nala tamata yai ni roh a ma nsikat ia tali ni salasilan ra, ma ni vavaꞌat kakiwal.

Filipi 4:5

Fara tamata ra munuk bisma rsiꞌik bira rala lolin a. Wean i rotu sian mia, na deka myangal ira, tevek wol mnanat, na Duilaꞌa veka nma ewal.

1 Tesalonika 4:18

Ba msyifangrebat mia ovu vaivatul avyai, boma ralabira ra lolin watan.

1 Tesalonika 5:11

Ba wean inyai ta did tinemun, na msyilobang mia ovu msyifangrebat ralabira ra, wean i fiang ini myotu roak a.

Ibrani 10:24

Ita musti tsifangnanang ita, boma bisma tsifangrebat raladida ra ma isa nlobang isa, ovu vali totu afa ovi lolin ra.

Ibrani 10:37

Rtulis roak naꞌa Surat Ralan ne, “Wol mnanat, na Ia veka nma. Ia wol nanaban ma mnanat, na veka nma lahir.

Ibrani 13:22

Terang a valing averi, era verin mia ma eka mryenar ma lolin ning snurak ovi, tevek ning surat wol blawat.

Ibrani 3:13

Naꞌuk msyifangrebat ralabira ra lokat amar, boma ralabira ra deka wean vatu, tevek salasilan ni siweang a. Ba msyifangrebat ralabira ra naꞌa amar ovi tamata ra rfalak obin ne, “amar ini.”

Yakobus 5:8

Ba mia vali musti mnyaban ovu mtyahang ralabira ra. Myorang ovu ralabira urun, tevek amar i Duilaꞌa veka nma sarseri roak.

1 Petrus 4:7

Terang a valing averi, lanit ivavan sarseri mane namwear roak, ba misusan wabira ovu bira fikiran ra, ovu vali mtyahang nal ralabira naꞌa afaka watan, boma bisma miflurut lalawatan.

2 Petrus 3:11

Ubu veka nvisal munuk afakataka wean inyai, ba fiang ini bira vavaꞌat ra musti rmerat urun, ovu myot-orang afa ovi Ubu ralan nfalak ra.

2 Petrus 3:14

Terang a valing averi! Ulobang urun mia. Ba naꞌut i mnyaban afa avyai munuk, na mkyiwal ovu ralabira urun ma bira vavaꞌat ra rmerat urun, ovu wol bira sala naꞌa Ubu wahan ralan a. Bira vavaꞌat ra musti malinan ovu Ubu.

2 Petrus 3:9

Tamata boku ranovak ne, Ubu nkameran tevek wol nfakena lahir Ni tnorung a obin, naꞌuk afa yai wol kena. Ia wol nma obin, tevek ntahang ralan verin mia. Ia wol inan ma tamata isa vali nmata, naꞌuk inan ma tamata ra munuk rahil ma rtalik tali rira salasilan ra.

Yudas 1:19

Ira inar ma rotu ma bira sidovung a namaꞌar. Ubu Ni Roh a wol nleal ralarira ra, naꞌuk ininan ovi rtali lanit ivavan a rfareta ira.