2 Timotius 3:4 - Surat Ralan na'a Vaidida

⁴ Ira inar ma rfedi rira kida ra verin tamata ovi wol inar lahir ira, ovu rotu afa ovi sian ra tia ma watan, ma wol rfikir aran afa ovi rotu ra. Ira rfadawang aꞌuk tenarira ra ovu rotu aꞌuk afa ovi inarira, naꞌuk wol rlobang lahir Ubu.

2 Timotius 3:4 交叉參考

Kisah 19:36

Wol tamata isa nangal nala afa ovi ufalak ini, ba deka vaibira ma minovak ma lolin veki.

Kisah 7:52

Ububir-nusibira ra rotu sian munuk lahir nabi ra. Ira rfedan vali tamata ovi lalan ana rfalak ne, Ubu Ni Tamata i Ni vavaꞌat nmalola veka nma. Tamata yai nma roak, ma fyedi ovu fyedan Ia!

Roma 11:20

Inyai kena urun. Ubu nalaꞌing ira, tevek wol rorang Kristus, ovu nala mia ma mnyaꞌa warira ra, tevek bira inorang a. Ba deka fyakaratat tenabira ra, naꞌuk msyiꞌik wabira ma lolin, boma deka mifla talik bira inorang a, ma wol myorang roak Ubu.

Roma 16:18

Ufalak wean inyai, tevek tamata avyai wol rkarya verin dida Duilaꞌa Kristus, naꞌuk rfikir watan tenarira ra ma rfakena afa ovi ralarira rfalak ra. Ira rala vaivatul lolin ovu rfadawang tamata ra ma rlabir nala tamata ovi rira dardirin wol rangrebat naꞌa rira inorang a.

1 Timotius 3:6

Tamata i beti nahil ma ntalik tali ni salasilan ra ma norang Yesus, na wol bisma naꞌa dawan kareda i nban-ulu verin ni sidovung a. Tevek wean i neluk dawan kareda, na beta ne nfakaratat tenan a, ba Ubu veka nukun ia wean lan a, nukun roak nitdawan.

1 Timotius 5:6

Naꞌuk varu ovi baꞌi rotu aꞌuk inarira lolin, ira wear tamata ovi rvaꞌat obin, naꞌuk ralar ilaꞌa nmata roak.

1 Timotius 6:17

Fwareta tamata ovi rira metan rivun naꞌa lanit ivavan ini, boma deka rfakaratat tenarira ra, te deka rfakloꞌi rira vavaꞌat ra naꞌa kubang, tevek afa avyai veka rmamu watan. Naꞌuk ni lolin a, na tamata avyai rfakloꞌi ralarira ra verin Ubu. Ia aꞌuk saꞌi nala afa ovi rlobang ita naꞌa dida vavaꞌat ra, ma ralad ra lolin watan.

Yudas 1:19

Ira inar ma rotu ma bira sidovung a namaꞌar. Ubu Ni Roh a wol nleal ralarira ra, naꞌuk ininan ovi rtali lanit ivavan a rfareta ira.

Yudas 1:4

Tevek tamata boku rti fanfonak watan ira naꞌa bira sidovung ralan a, ma rair afa ovi wol kena ra verin mia. Tamata avyai wol rorang Ubu. Ira rair ma rfulak-rvali Ubu Ni rala lolin i nala verin ita, boma bisma rfakena rira ininan sian ra. Ira rafena ma rorang dida Duilaꞌa Yesus Kristus i ikisa watan Ia, ovu nfareta munuk afakataka. Tali lalan rfadoku roak naꞌa Surat Ralan ne, Ubu veka nukun ira.