16 Cheynchek axta Noemí m'a sakcha'a, héssek axta awáxok, peyk axta kawánegkeshok agko'.
Sa' egkések ekwasqápeykekxoho exche' xa, etaqmelchesek sa' neyseksa ekteme ekwányamo', hakte atánegken étche exche' m'a, ekmámenyého agko' nak chá'a, ekyeykhágweykmoho nak xeye' eyásekhayo, mexnawo nak ma'a siete étchek nak.
Xama axta élwet'a m'a ekheykha axta ketók axagkok, axta táhak élpaqmeta s'e: ¡Wet'ak kaxwók xama yaqwayam katnehek étche Noemí! Kélteméssessek axta nahan apwesey Obed. Cháxa apyáp axta Jesé xa, apyáta' axta m'a David.
