8 Xama axta apwokmo m'a máséyak nak, apyeykhákxeyk axta ámay appéwo m'a ekpayhókxa axta axagkok ma'a kelán'a.
Ná épetchegwom ma'a kelán'a megkatnaha nak aptáwa'; ná etnegwom ma'a átog axagkok nak,
ekweynchámeykhal'a chá'a m'a ámay, tén han ma'a apheykegkaxa nak chá'a énxet'ák, keñe han ma'a máséyak nak chá'a ámay, élhaxneykha m'a apyeykhágwayam enxoho chá'a apmonye' keñe kamok chá'a.
Apmahágkek agkok axagkok ma'a, cháxa apmahágko m'a ámay nétsapmakxa nak.
Xama ekhem axta apmahágko Sansón ma'a tegma apwányam nak Gaza. Apwetágwokmek axta han xama kelán'a ekyaqmagkáseyak pók énxet ekma chá'a ekyánmaga ekpathetéyak, appathetágkek axta han ma'a.
