1 Hatte, elyahakxoho chá'a ektémakxa nak ko'o sekya'áseykegkoho aqsok; etaqmelchesho apháxenmo ektémakxa nak ko'o sekmowána aqsok.
Hatte, elyahakxoho chá'a sektáhakxa enxoho sekpeywa; epekken apwáxok ma'a séltémókxa nak etnehek.
Etaqmelchesho apháxenmo ekyókxoho aqsok apkelxeyenma nak ma'a apkelya'áseykegkoho nak aqsok; epekken apwáxok ma'a ektáhakxa enxoho sélxekmósso.
Kélketchek, kólyahakxoho chá'a appeywa kélyáp; kóltaqmelchesho chá'a kélháxenmo yaqwayam kólmok kélyekpelchémo aqsok.
Hatte, etaqmelchesho chá'a apháxenmo sekpeywa; yeyxho chá'a sektáhakxa enxoho chá'a seyáneya.
Hatte, etaqmelches ma'a apkeltémókxa nak etnehek apyáp, nágkalwánaqmágwom ektémakxa nak élxekmósso m'a egken.
ekwet'ak axta ko'o wokma'ák meyke apkelya'áseyak aqsok, keñe sekwet'a han xama nepyeseksa meyke agko' nak apya'áseyak aqsok.
