Proverbios 15:3 - Biblia Enxet

³ Apkeláneykha Wesse' egegkok ekyókxoho keso náxop, elanha chá'a m'a énxet'ák éltaqmalma nak apkeltémakxa', tén han ma'a élmasagcha'a nak apkeltémakxa'.

Proverbios 15:3 交叉參考

2 Crónicas 16:9

Apkeláneykha Wesse' egegkok ekyókxoho ektémakxa nak chá'a keso nélwanmeygkaxa, yaqwayam egkések chá'a apkelyennaqte m'a ektáha nak chá'a apcháyo ekmámnaqso' agko'. ¡Máxa ekyeyháxma eyke aptáhak xép aptáha kaxwo' xa ektáha nak! Katepagkok sa' eyke exchep kaxwók apkempakhamap.”

Job 24:23

Apchahayók eyke aqsa chá'a Dios eweynchamha yetlo meyke ektáhakxa, apkeláneykha eyke chá'a m'a ektémakxa apkelweynchámeykha.

Job 28:24

hakte weykmók apwete m'a néxa xóp nak, keñe han ekyókxoho aqsok ekhéyak nak náxop kóneg yaphope.

Job 31:4

¿Enxeykel'a eteyk Dios ma'a aqsok séláneya nak? ¿Enxeykel'a eteyk ektémakxa nak sekxega?

Salmos 33:13

Apkenmexeykentamok chá'a Wesse' egegkok ma'a néten, apkelwetayók nahan chá'a m'a apyókxoho énxet'ák;

Proverbios 15:4

Nentaqmelchessamo nempaqhetchesso egmók ekteme segmésso ekyennaqte egnények; katsagkasek eyke chá'a egwáxok ma'a megkeyxnegwayam nak chá'a nempeywa ampaqhetchesek egmók.

Proverbios 5:21

Apkeláneykha chá'a Wesse' egegkok ektémakxa aqsok apkelane m'a énxet; meyenyókasek apaqtek ma'a apmahágkaxa enxoho.

Jeremías 16:17

Hakte ekweteyak ko'o ekyókxoho aqsok apkeláneyak ma'a, yawanchek hexyánegkesek xama enxoho, yawanchek nahan kakpósaxchek melya'assáxma nahaqtók ko'o.

Jeremías 23:24

¿Yaqsa awanchek ko'o héxánegkesek? Eksawheykekxók ko'o néten tén han keso náxop, Ko'o sekxeyenma xa, sektáha nak Wesse'.

Jeremías 32:19

Awanhók agko' xép ma'a aqsok ekxeyenma nak apwáxok elána', keltássók agko' ma'a aqsok apkelane nak. Apweteyak xép ekyókxoho aqsok apkeláneyak nak chá'a énxet'ák, egkések nahan chá'a xama xama m'a ekpayhawo nak chá'a egkések, ekhawo ektémakxa nak chá'a aqsok apkeláneyak.

Zacarías 4:10

“Kalpayhekxak sa' kaxwók apkelwáxok apkelwet'a enxoho appenchesa aptamheykha Zorobabel ma'a metnéssesso axta naqsók ma'a sekxók axta eyeynókxa apkelane aptamheykha.” Tén axta aptáha makham Dios apchásenneykha s'e: “Cháxa siete cháléwasso étkók nak ekteme Wesse' egegkok apaqta'ák, eksawheykekxoho nak apkelányo s'e ekyókxoho nak keso náxop.”