Proverbios 10:9 - Biblia Enxet

⁹ Méko xama aqsok katnehek apkekakxa m'a meyke nak aptémakxa'; keñe m'a énxet ekmaso nak aptémakxa', kataxchek chá'a ektémakxa aqsok ekmaso apkelane.

Proverbios 10:9 交叉參考

Génesis 17:1

Apxekmowáseykpók axta Wesse' egegkok Abram, ektéma axta noventa y nueve apyeyam apagkok. Aptáhak axta apcháneya s'e: —Ko'o sekteme Dios ekha sekyennaqte, etne ekpéwomo aptémakxa nahaqtók ko'o.

Job 8:20

Meyenyawha eyke Dios ma'a énxet ekpéwomo nak aptémakxa, mepasmehek eyke m'a élmasagcha'a nak apkeltémakxa.

Salmos 23:4

Ekxegkek agkok ekyáqtésakxa exma m'a ekyapwátegweykenxa nak xapop, magwakyek xama enxoho aqsok ekmaso, hakte sekxegexma ko'o exchep Wesse'; hegkések chá'a meyke ektamheykha ewáxok ma'a aptasqapeykha nak, apmeykencha'awól'a chá'a eltaqmelchesek nepkések.

Salmos 25:21

Sektémakxa ektaqmela sa' hetaqmelchesek, tén han ekpéwomo sektémakxa, hakte may'ásseykmok ko'o exchep.

Salmos 84:11

Hakte Dios Wesse' egegkok sẽlsássesso chá'a exma, tén han sẽlmasma; elásekhohok chá'a Wesse' egegkok ma'a apkeláneykegkoho nak chá'a aqsok ektaqmela, kataqmalmakha chá'a apwáxok epasmok, elmések chá'a aqsok éltaqmela.

Proverbios 17:20

Magwetyehek xama aqsok ektaqmela m'a ekmaso nak egwáxok; asagkek sa' katnehek ektáhakxa m'a apkelmopwancha'a amya'a nak.

Proverbios 26:26

emáwhok sa' eykhe ekpósek ma'a aplo, aptémakxa ekmaso sa' eyke kataxchek nápaqta'awók ma'a apyókxoho énxet'ák nak.

Proverbios 28:1

Méko eykhe chá'a kayaqmaksek ma'a ekyeyháxma nak, exyenmok aqsa chá'a, méko eyke katnehek chá'a apkelakakxa m'a apkelpéwomo nak, máxa etnahagkok ma'a ektémól'a yámakméwa.

Proverbios 28:18

Ewagkasakpok sa' teyp ma'a énxet meyke aptémakxa', aqsok ekmaso sa' eyke káhapwak ma'a énxet ekmaso nak aptémakxa'.

Proverbios 3:23

Méko sa' chá'a katnehek ektáhakxa apweynchámeykha, metlápegwomek sa' han.