6 Apkelánteyepmeyk axta makham apkeleñama m'a Sucot, apkelpakxenweykmek axta m'a Etam, néxa axta m'a yókxexma meykexa nak énxet.
Apkelántekkek axta israelitas ma'a yókxexma Sucot, apkelpakxenwokmek axta m'a yókxexma Etam, sekxók eyeynókxa axta yaqwayam antexek ma'a meykexa nak énxet.
Apkelánteyepmeyk axta makham apkeleñama m'a Etam, apkeltaqhegweykmek axta neptámen apkelmeyeykento m'a Pi-hahirot, ekyetnama nak ekteyapmakxa ekhem teyp ma'a Baal-sefón, apkelpakxenweykmek axta m'a ekpayho nak Migdol.
