Números 30:2 - Biblia Enxet

² apxéna enxoho chá'a elának aqsok xama énxet, essenhan apxéna enxoho chá'a naqsók elának nápaqtók Wesse' egegkok, kéméxcheyk elának ma'a aptáhakxa enxoho appeywa, elának ekyókxoho m'a apkeltennasso elána'.

Números 30:2 交叉參考

Job 22:27

Apkelmaxnakkek sa' agkok chá'a aqsok, yeyxhok sa' chá'a apkelmaxnagko, elának sa' nahan chá'a exchep ma'a apkeltennasso nak elána'.

Salmos 116:14

Alának sa' ko'o séltennassama axta alának Wesse' egegkok, nápaqta'awók ma'a apyókxoho énxet'ák apagkok.

Salmos 116:18

Alának sa' ko'o séltennassama axta alának Wesse' egegkok, nápaqta'awók ma'a apyókxoho énxet'ák apagkok,

Salmos 119:106

Éltennássek axta exchep alának aqsok, alának sa' nahan: ¡alának sa' ma'a apchánamakxa nak antéhek élpéwomo!

Salmos 15:3

mexeyenma nak chá'a ekmaso pók, metnéssesseykmoho nak exma ekmaso m'a apxegexma, metaqnagko nak ma'a apha nak ketók apxagkok;

Salmos 22:25

Alpeykeshok sa' ko'o exchep ektémakxa mehegyenyaweykha nápaqta'awók ma'a énxet'ák apagkok apxámokma nak; alának sa' ko'o séltennassama nak xép alána', nápaqta'awók ma'a ektáha nak chá'a exchep apcháyo.

Salmos 50:14

¡Kóltemésses aqsok kélmésso naqsa ekxeyenma kélwáxok ma'a Dios; kóllána aqsok kéltennasso axta kóllanaksek ma'a Meyke nak Ekhémo!

Salmos 55:20

Apkelxegexma'a apagko' apkenmexeykekxa'; meláneykegkok ma'a aptémakxa axta apkelpaqmeyesma yaqwayam elásekhakpoho'.

Salmos 56:12

O Dios, alának sa' ko'o m'a aqsok séltennasso axta alána', alának sa' yetlo sélteméssesso apcheymákpoho,

Salmos 76:11

Kóltennés kóllanaksek aqsok ma'a Wesse' Dios kélagkok, kóllána sa'. Kéxegke kélheykha nak neyáwa apchókxa', ¡kólsantagkas aqsok kélmésso naqsa m'a ekpayhawo nak kóláwho'!

Éxodo 20:7

“Ná etwasha apmeykha apwesey Dios Wesse' apagkok, hakte meyenyekxék aqsa nahan meyke apkelyekpexchetma m'a ektáha enxoho aptawássáseykha apmeykha m'a apwesey.

Proverbios 20:25

Asagkek eltennaksek aqsa énxet elának aqsok ma'a Dios meyke sekxók élchetámeykha apwáxok, keñe emáwhok elwátessók ektáhakxa apmésso appeywa.

Levítico 5:4

“Yetneyk sa' agkok kélxama apxeyenma nak aqsa chá'a elának aqsok ektaqmela essenhan aqsok ekmaso nápaqto' Dios meyke élchetámeykha apwáxok —ektémól'a elpaqmétek énxet elxének elanagkok aqsok meyke élchetámeykha apkelwáxok— sa' agkok ey'ásegkok sekxók, keñe sa' natámen apya'ásegwokmo enxoho aptáhakxa, esexnánékpok sa', eñama apteme xa ekyókxoho nak.

Nahúm 1:15

¡Kóllano! ¡Apxegakmek apseykha nak amya'a meyke ektáhakxa egwáxok ma'a néten nak egkexe! Énxet'ák Judá, kóllána kélessawassamo; kóllána m'a kélxeyenma axta chá'a kóllána'. Wánxa sa' kaxwók apkelántaxno xapop kélagkok ma'a énxet'ák élmasagcha'a nak apkeltémakxa; hakte apmassegwokmek apyókxoho m'a.

Números 21:2

Tén axta israelitas apteméssesa naqsók apkelpeywa apmésa Wesse' egegkok aptáha s'e: Empasmeyk sa' agkok yaqwayam agmok negko'o m'a apchókxa nak, agmasséssók sa' negko'o m'a apyókxoho tegma apkelyawe apagkok nak.

Números 30:10

“Xénchek sa' agkok kalának aqsok ma'a kelán'a apha nak atáwa' essenhan ekxéna enxoho naqsók kalának nápaqtók Wesse' egegkok, neyseksa ekha m'a atáwa' apxagkok,

Números 32:24

Kóllanák kaxwo' tegma apkelyawe kélagkok, yaqwayam kaxnakha m'a kélketchek, tén han aphaxta kélagkok yaqwayam kólxatmok ma'a nepkések kélnaqtósso, eyke kóllána sa' ma'a kéltáhakxa exchek kélpeywa.

Jueces 11:11

Tén axta apkelyetlákxo Jefté m'a énxet'ák nak, apteméssessek axta han apkemha apmonye' apagkok, tén han apnaqleykha sẽlpextétamo. Apkeláneykxók axta chá'a appeywa Jefté nápaqtók Wesse' egegkok aptáhakxa axta chá'a appeywa, cham'a Mispá.

Jueces 11:39

Kexyeykmek axta makham aphakxa yáp ekweykmo xa apqánet pelten nak, apkelanak axta han ma'a apkeltennassama axta elanaksek ma'a Wesse' egegkok. Ketsepmeyk axta Jefté apketche neyseksa megkapathetéyak xama énxet enxoho.