Números 30:13 - Biblia Enxet

¹³ “Apwanchek yának kalának atáwa' kelán'a m'a ekxeyenma enxoho chá'a kalána', essenhan ekteméssesso nak chá'a naqsók kalána', apwanchek nahan megyánhek kalána' ekweykekxoho m'a ekxéna enxoho megkatwehek ekto.

Números 30:13 交叉參考

Esdras 8:21

Keñe axta ko'o séltamho metawagkehek aptéyak énxet'ák ma'a nekha nak wátsam Ahavá, yaqwayam enxoho ólya'ásegwakxohok aqsok magaqhémo nápaqto' Dios egagkok, tén han yaqwayam ólmaxnak yaqwayam hentaqmelchessesek negheykha, tén han egnámakkok, tén han ma'a aqsok egagkok nak.

Salmos 35:13

apkelháxeykpek agkok chá'a m'a, ko'o chá'a añegkohok ektamhágkaxa enxoho m'a, ataxnekxak chá'a m'a apáwa sẽlwáxaqxo nak, matwehek han chá'a sekto, megkamassegwomek chá'a élmaxnagko ewáxok.

Isaías 58:5

¿Kélanagkamcheya kaleklamók ko'o ewáxok manto nak nento keypetchak ma'a néllegassásamaxche nak, tén han neghaxe nak ektémól'a kalháxahagkok ma'a ekho', tén han negyetno nak néten apáwa sẽlwáxaqxamól'a tén han ma'a néten táhap? ¿Keyaxa kéltéma nak chá'a kéxegke ‘mantamakxa nento xa, tén han ‘ekhem ekleklamókxa apwáxok ma'a Wesse' egegkok’?

Levítico 16:29

“Cháxa peya sa' katnehek kélánémaxchexa kóltéhek kéxegke xa megkamassegwayam: kéméxcheyk chá'a kéxegke megkóltawagkehek kéltéyak ekwákxo enxoho chá'a ekhem diez, pelten siete, megkóllanagkehek han chá'a xama enxoho m'a kéltamheykha, megkeyxek ma'a kélteme nak israelitas, tén han ma'a apkeleñama nak mók apkelókxa, apheykha nak kélnepyeseksa kéxegke,

Levítico 23:27

“Katnehek sa' ekhem megkólyaqmagkáseykekxexa nentémakxa m'a ekhem diez, pelten siete. Kóllának sa' kélaqneykekxa kélpeykessamo Wesse' egegkok, megkóltawagkek sa' han chá'a kéltéyak xa ekhem nak, kólwatnések sa' nahan chá'a aqsok kélmésso naqsa m'a Wesse' egegkok.

Levítico 23:32

Katnehek sa' kéxegke xama ekhem kéllókassamakxa kélyampe, tén han megkólteykegkaxa chá'a kéltéyak, kóleynhok sa' kélyetsáteyak taxnám ekhem nueve, ekweykekxoho mók taxnám.”

Números 29:7

“Kóllának sa' nahan kéxegke kélaqneykekxa kélpeykessamókxa nak chá'a Wesse' egegkok ma'a ekhem diez pelten siete nak. Megkóltawagkehek sa' kéltéyak xa ekhem nak, megkóllányek sa' nahan kéltamheykha xama enxoho.

Números 30:12

Sa' agkok eltamhók kalának apleg'a enxoho m'a atáwa', megkalanyek sa', hakte mopmenyeyk kalának ma'a atáwa', Megyánhek sa' nahan kalának ma'a Wesse' egegkok.

Números 30:14

Sa' agkok enókáseyha, apwanmeyeyncha'a enxoho aqsa xama ekhem ekweykmoho mók ekhem, kalának sa' ekyókxoho m'a ekxeyenma kalána', essenhan ekmáheyo kalána'.