11 sa' agkok enókáseyha apleg'a enxoho m'a atáwa' tén han apcha'awo enxoho, kalának sa' ma'a aqsok ekmáheyo kalána', tén han ekxeyenma kalána'.
“Xénchek sa' agkok kalának aqsok ma'a kelán'a apha nak atáwa' essenhan ekxéna enxoho naqsók kalának nápaqtók Wesse' egegkok, neyseksa ekha m'a atáwa' apxagkok,
Sa' agkok eltamhók kalának apleg'a enxoho m'a atáwa', megkalanyek sa', hakte mopmenyeyk kalának ma'a atáwa', Megyánhek sa' nahan kalának ma'a Wesse' egegkok.
Agkok eltamhók kalának yáp ma'a apleg'a enxoho, yawanchek sa' kalának ma'a aqsok ekxeyenma kalána', essenhan ekmáheyo kalána'. Megyánhek sa' nahan kalának ma'a Wesse' egegkok, hakte mopmenyeyk kalának ma'a yáp.
