34 Seis mil doscientos axta nahan apwokmok apyókxoho apkelennay'a, cham'a ekwayam nak chá'a xama pelten apagkok néten.
cuarenta y seis mil quinientos apkelennay'a axta apyókxoho m'a, cham'a apwánxa axta kélnaqtáxéseyak apkelwesey weykcha'áhak.
Cháxa peya sa' etnehek ántánxo apheykegkaxa m'a Judá énxet'ák nak sẽlpextétamo apagkok, ciento ochenta y seis mil cuatrocientos apkelennay'a sa' emmok apyókxoho, yaqwayam sa' elxog apmonye'e m'a israelitas.
Merarí axta apnámakkok apancha'awók ma'a Mahli, tén han Musí.
Suriel axta eyke apteme apkemha apmonye' apagkok, apketche nak ma'a Abihail, apkelpakxeneykegko axta chá'a m'a ekpayho nak nexcheyha nápakha nak tegma appagkanamap.
