Números 23:23 - Biblia Enxet

²³ Megkólwanchek kólónek Jacob. Mopwanchek yohóxma yenmexek Israel. Sa' kóltéhek kaxwók kólxének Israel se'e: ¡Tásók agko' apteméssessamakxa exchep Dios!

Números 23:23 交叉參考

Génesis 3:15

Énmexma sa' kaxwók xeye' atnéssesek kelán'a, kawakxohok sa' han ma'a étkok nak xeye', kalenmexek sa' ma'a atawán'ák nak kelán'a, katchágkasek sa' chá'a akqátek, tén sa' xeye' kateyxchesek chá'a apáhak.

Salmos 31:19

¡Awanhek xép ektaqmeleykha apwáxok elanok ma'a ektáha nak chá'a apcháyo exchep! Apteméssessama nak máxa aqsok ekmomnáwa aptaqmelchessama apkelmeyáseykegkoho nak chá'a nápaqta'awók énxet'ák ma'a aptáha nak chá'a exchep mey'ásseyam.

Salmos 64:9

Keñe sa' apyókxoho énxet etnehek apcháyo m'a Dios, tén han elxének chá'a m'a aqsok apkelane; elya'asagkohok sa' han ma'a aqsok apkelane nak.

Isaías 41:4

¿Yaqsa axta élane xa aqsok nak? ¿Yaqsa axta éltémo chá'a katnehek ekyókxoho aqsok ektéma axta chá'a m'a sekxók eyeynamókxa axta keso nélwanmégkaxa? Ko'o sekwánxa ahagkok sekteme exakko' Wesse' Dios, eyeynókxa tén han ektemegwánxa néxa.

Isaías 44:25

Magwohok ko'o katyapok aqsok apkelxeyenma m'a apkellegasso nak chá'a amya'a apkelmopwancha'a amya'a; malya'ássesagkek chá'a ko'o aqsok ma'a apkelya'áseykegkoho nak chá'a aqsok ekpowasamáxche'. Wánhok nahan chá'a ko'o kólátegmowagkokxak ma'a ekha nak chá'a apkelmopwancha'a, mékoho agko' nahan atnéssesek chá'a m'a ektémakxa nak apkelya'áseyak aqsok.

Ezequiel 21:21

Apkenegwa'ak wesse' apwányam Babilonia m'a eyeynókxa nak ánet ámay, aptawássek xama aqsok apkeltamho kaxekmósek yaqwánxa kaqhohok emhagkok: apkelyeykesáha yágke aktek, apkelpaqhetcháseykpók ma'a aqsok apcháyókxa, apkelanawók ektáhakxa m'a aqsok kélnaqtósso ektekyawa nak ahekhek.

Daniel 9:15

“Wesse' Dios egegkok, apxekmóssek axta exchep ekyawe agko' apmopwána apkelántekkessama énxet'ák apagkok ma'a Egipto, cháxa ekteméssessama axta apxénamap ekyókxoho yókxexma, eyeynókxa axta ekhem nak, ekwokmoho makham se'e negwánxa nak; nenláneykegkek eyke negko'o mólya'assáxma, tén han ma'a aqsok ekmaso.

Miqueas 7:15

Exekmós ma'a aqsok sempelakkasso nak agweta', ektéma axta m'a apkelántekkessama axta Egipto.

Números 24:1

Xama axta apwet'a Balaam ekleyawo apwáxok Wesse' egegkok elmaxnéssesek yaqwayam kataqmelek apheykha m'a énxet'ák Israel, massék axta apmeyncha'a apmopwána yaqwayam ey'asagkohok ma'a Dios appeywa, aptáhakxa axta m'a sekxók axta, appayhékxók axta aqsa apkenmexákxoho m'a yókxexma meykexa nak énxet.

Deuteronomio 3:24

‘Wesse', apcheynawók xeyep sexekmósa apteme apwányam apagko' tén han ekha apmopwána, ko'o sektáha nak apkeláneykha. Méko pók Dios néten tén han keso náxop apmopwána elának aqsok ekpelakkasso nak agweta' apkeláneya nak chá'a exchep.

Josué 13:22

Apchaqhak axta han énxet'ák Israel ma'a yohóxma apwesey axta Balaam, Beor axta apketche. Apxámok axta han énxet apkelnapa m'a neyseksa émpakháxchexa axta.