Números 22:31 - Biblia Enxet

³¹ Yetlókok axta nahan apxekmóssamo apchásenneykha Wesse' egegkok ma'a Balaam, apkenmeyncha'a m'a neyseksa ámay, yetlo sókwenaqte apmeykha. Aphaxahánteyk axta Balaam ekwokmoho aptekxeya ekpayhakxa nápat xapop.

Números 22:31 交叉參考

Génesis 21:19

Keñe axta Dios apxekmósa xama yámelchet ma'a Agar. Mahágkek axta han ma'a, yetmeyk axta yegmen ma'a yempehek nak, chágkek axta m'a Ismael.

1 Crónicas 21:16

Apkenmexawók axta David, keñe apwet'a Wesse' egegkok apchásenneykha apkenmáncha'a m'a ekpayho nak néten tén han se'e náxop nak, yetlo apmeykha m'a sókwenaqte meyke axagkok, axta appékásawok ma'a Jerusalén. Keñe axta David tén han ma'a apkelámha apmonye'e nak apkelántaxneykxo m'a apáwa sẽlwáxaqxamól'a, apkelháxahágkek axta ekwokmoho apkeltekxeya nápaqta'a xapop,

Salmos 9:20

Wesse', elyegwakkas xép, ¡yána elya'asagkohok aptamhéyak aqsa énxet!

Éxodo 34:8

Ñohók axta nahan apkeltekxeya aptapnák xapop Moisés apháxaha ekwokmoho aptekxeya ekpayhakxa nápat xapop. Aptáhak axta apkelpeykásawo

Números 22:30

Axta entáhak eyáneya yámelyeheykok se'e: —Yámelyeheykok ko'o, apchánteykha nak chá'a yókxoho ekhem neyseksa apha, apya'ásegkók xép matnéssessama chá'a ko'o exchep xa ektáha nak. —Naqso' —axta aptáhak apchátegmowágkokxo Balaam.

Números 24:16

yetnáha agkok ahaqtek kayágwomhok sekwete yáxña'akxoho aqsok, sekya'áseykegkoho nak ma'a apya'áseykegkoho nak Meyke nak Ekhémo, añak chá'a amya'a, hélxekmóshok nahan chá'a aqsok eñama nak Dios ekha apyennaqte.

Números 24:4

yetnáha agkok ahaqtek kayágwomhok sekwete yáxña'akxoho aqsok, añak chá'a amya'a, hélxekmóshok nahan chá'a aqsok eñama nak Dios ekha apyennaqte.

Josué 5:13

Xama ekhem axta Josué apwokmo m'a ketók Jericó. Apwet'ak axta apkenmeyncha'a xama énxet ma'a apmonye', yetlo sókwenaqte apmeykha. Apyepetchegwokmók axta Josué keñe apkelmaxneyáncha'a: —¿Néleñémeyo xamóya exchep, nénmexma enxeykel'a?

Josué 5:14

—Háwe ko'o xa xama nak —axta aptáhak apchátegmowágko m'a énxet—. Ekwa'ak ko'o sektáha sémha emonye' m'a sẽlpextétamo Wesse' egegkok nak apkelásenneykha. Keñe axta Josué apháxahánto ekwokmoho aptekxeya nápat xapop, tén axta apkelmaxneyáncha'a: —¿Yaqsa apkeltamho alának ko'o Wesse' egegkok, aptáha nak xépxa apkeláneykha?