Números 17:2 - Biblia Enxet

² “Yána sa' chá'a elsanták xama apkeltasqapeykha m'a apkelámha apmonye'e nak chá'a nepyeseksa énxet'ák apagkok ma'a israelitas, doce kéltasqapeykha ekyókxoho. Xeyep sa' chá'a etáxéssesek apwesey m'a xama aptasqapeykha,

Números 17:2 交叉參考

Génesis 49:10

Méko keymentók ektémakxa apyennaqte Judá, méko han kawának keymentók aptémakxa nak ekha kélyaheykekxoho, ekwokmoho apwa'akto makham ma'a ektáha nak apagkok ma'a aptémakxa nak wesse', cham'a peya nak elyahakxohok ma'a énxet'ák.

2 Crónicas 31:17

Naqtáxésamaxcheyk axta han apkelwesey apkelmaxnéssesso Dios énxet'ák apagkok, ektáhakxa nak chá'a apnámakkok apagko', keñe levitas ekwayam nak chá'a veinte apyeyam apagkok, tén han néten, ektémakxa nak chá'a apkeltamheykha, tén han eyaqhémókxa enxoho chá'a apkeltamheykegkaxa'.

Salmos 110:2

Esawheyásekxohok sa' xép apteme wesse' apwányam ma'a Wesse' egegkok, eyeynamo m'a Sión. ¡Etne kaxwók apkeláneykha m'a apkelenmexma nak!

Salmos 125:3

megqawegqók aptamhéyak kelwesse'e apkelwányam apheykegkaxa nak Dios énxet'ák apagkok ma'a élmasagcha'a nak apkeltémakxa, hakte elanagkok katnehek aqsok ekmaso m'a énxet'ák apagkok élpéwomo nak apkeltémakxa.

Éxodo 30:26

Yexpaqhak sa' ma'a néten nak kélpakxanma apchaqneykekxexa nak chá'a énxet'ák, tén han ma'a yántéseksek ekhémo mók nélpaqhetchásamáxkoho,

Éxodo 4:17

Esow sa' se'e yámet kéltasqapeykha nak, hakte sa' emha chá'a elának aqsok segyegwakkassamo nak agwetak xa.

Éxodo 4:2

Tén axta aptáha apkelmaxneyáncha'a Wesse' egegkok se'e: ¿Yaqsa eyke aqsok xa apmeyncha'a nak? —Yámet sektasqapeykha —axta aptáhak apchátegmowágkokxo m'a Moisés.

Ezequiel 19:14

Tekkek kaxwók táxa eñama m'a aktegák nak, kelwatneyk ma'a kaxwe éltekteyapma nak áwa' tén han ma'a ekyexna. Méko kaxwók eyeymomáxche m'a aktegák élyennaqte nak, kélláneyo axta chá'a m'a yámet apkelmeykha nak chá'a m'a kelwesse'e apkelwányam.’” (Cháxa xama negmeneykmasso senlapwayam nak xa. Kólmaha sa' chá'a xa.)

Ezequiel 21:10

Kélmaxneyákxeyk yaqwayam kalának nentekyawa, kélyenmásekxeyk yaqwayam kalyenmaksexma;

Ezequiel 21:13

Ko'o sekxeyenma xa, sektáha nak Wesse'.’

Miqueas 7:14

¡Wesse', eltaqmelches énxet'ák apagkok, aptáha nak nepkések apnaqtósso apagkok apagko', apkelweynchámeykha nak apxakcha'awók naxma, ekwakhaya nak xapop éltaqmalma! Enaqlakxa m'a ekhakxa nak pa'at Basán tén han Galaad, ektéma axta m'a nanók axta.

Números 17:1

Appaqhetchessek axta Wesse' egegkok ma'a Moisés. Aptáhak axta apcháneya s'e:

Números 17:3

keñe sa' ma'a kéltasqapeykha ektáha nak apagkok ma'a Leví énxet'ák apagkok, etáxéssesek apwesey m'a Aarón, hakte kéméxcheyk chá'a agwetak xama kéltasqapeykha m'a xama apkemha apmonye' nak chá'a nepyeseksa énxet'ák apagkok.

Números 7:1

Apteméssessek axta appagkanamap apkexpaqha'a pexmok égmenek Moisés tegma appagkanamap, cham'a appenchesa axta apkelane, yetlo m'a ekyókxoho aqsok kélmeykegkaxa nak chá'a tegma appagkanamap, tén han kélmeykegkaxa nak chá'a m'a ekwatnamáxchexa nak aqsok.