Números 16:42 - Biblia Enxet

⁴² Apyókxoho axta apwakhegwokmok ma'a aphakxa axta Moisés tén han Aarón; tén axta apkelenmexákxoho m'a kélpakxanma apchaqneykekxexa nak chá'a énxet'ák. Yetlókok axta nahan eyapma yaphope m'a, tekkek axta Wesse' egegkok élseyéxma apagkok.

Números 16:42 交叉參考

Éxodo 16:10

Neyseksók apkelpaqhetchesso axta Aarón ma'a israelitas, apyókxoho axta apkelenmexawok ma'a ekpayhókxa axta m'a yókxexma meykexa énxet, apkelwet'ak axta nahan Wesse' egegkok élseyéxma apagkok ekxekmowásexkoho m'a neyseksa xama yaphope.

Éxodo 16:7

tén sa' ma'a axto'o kólwetak ma'a ektémakxa apcheymákpoho Wesse' egegkok, hakte aplegayak chá'a ektémakxa kéxegke kélxéneykha ekmaso m'a. Negko'o eyke kaqhok henxénmakha kéxegke ekmaso.

Éxodo 24:16

Wéweynteyk axta nahan Wesse' egegkok élseyéxma apagkok, ekyetna'a m'a néten egkexe nak Sinaí, seis ekhem axta nahan wokmohok eyapma yaphope m'a. Siete ekhem axta entáhak apwónéncha'a Wesse' egegkok Moisés ma'a kañe' yaphope nak.

Levítico 9:23

Keñe axta Moisés tén han Aarón, apkelántaxna m'a kélpakxanma apchaqneykekxexa axta chá'a énxet'ák, xama axta apkelántepa yókxexma, apkelmaxnessásegkek axta israelitas apkeltamho etaqmelchessesek apheykha Dios. Yetlókok axta han apxekmowásamákpoho Wesse' egegkok yetlo ekyawe agko' apkelyenma apyókxoho énxet'ák,

Números 14:10

Keñe axta énxet'ák apmako aqsa elnápok elyetnak meteymog. Tén axta ektepa Wesse' egegkok élseyéxma apagkok ma'a kélpakxanma apchaqneykekxexa nak chá'a énxet'ák, nápaqta'awók ma'a apyókxoho israelitas.

Números 16:19

Appenchessek axta apcháncheseykekxa Coré apyókxoho énxet'ák ma'a átog nak kélpakxanma apchaqneykekxexa nak chá'a énxet'ák. Tekkek axta Wesse' egegkok élseyéxma apagkok nápaqta'awók ma'a apyókxoho énxet'ák.

Números 16:43

Tén axta Moisés tén han Aarón, apkelxega apchaqnágwokmo m'a apmonye' nak kélpakxanma apchaqneykekxexa énxet'ák,

Números 20:2

Apchaqnákxeyk axta apyókxoho énxet'ák peya etaqnók ma'a Moisés tén han Aarón, hakte méko axta yegmen.

Números 20:6

Apkexakkek axta aqsa énxet'ák ma'a Moisés tén han Aarón, apkelmeyákxo m'a átog nak nentaxnamakxa m'a kélpakxanma apchaqneykekxexa nak chá'a énxet'ák, apkelháxegwákxeyk axta ekwokmoho apkeltekxeya élpayhakxa nápaqta'a xapop ma'a, tén axta ekxekmowásexkoho Wesse' egegkok élseyéxma apagkok.