Levítico 26:20 - Biblia Enxet

²⁰ Kaqhok sa' chá'a kólwasqápekxohok kóltemeykha, megkatekkesek sa' xama aqsok enxoho m'a xapop, megkeyxek sa' han yenta'a élaqnéyak nak yókxexma.

Levítico 26:20 交叉參考

Génesis 4:12

Eknekxak sa' eykhe chá'a aqsok aktek xapop, megkeyxek sa' eyke chá'a. Eweynchamha sa' aqsa chá'a ekyókxoho yókxexma keso náxop, meyke apkellókasseyam apyampé.

1 Reyes 18:2

Apxegkek axta Elías apmeyákxo m'a aphakxa nak Ahab. Awanhók agko' axta ekteyapma meyk segaqhe m'a Samaria.

Job 31:40

¡katyapok sa' menóke xapop ahagkok, keñe sa' hótáhap metyepe', katyapok sa' pa'at ekmaso, keñe sa' apho nak hótáhap metyepe'! Cháxa néxa axta appeywa Job apxeyenma aptémakxa'.

Salmos 107:34

yásek xapop chá'a etnessásekxak ma'a xapop ektaqmalma nak, eñama ekmaso apkeltémakxa m'a apheykha nak awáxok;

Salmos 127:1

Agkok elanak Wesse' egegkok tegma, kaqhok eltemeykha m'a apkeláneyak nak chá'a tegma; agkok emyáwak Wesse' egegkok ma'a tegma apwányam, kaqhok elanha m'a apkelhaxneykha nak chá'a.

Isaías 17:10

hakte kelwagqámeykegkek ma'a Dios ektáha axta apkelwagkasso teyp, megkaxeyenmak kélwáxok apteme axta apkelmasma apyennaqte m'a. Kélchekhamchek kéxegke s'e namyep étkók éltaqmalma nak, kélchencháseykekxeyk pánaqte exnók ma'a aqsok kéláyókxa éleñama nak mók nekha,

Isaías 17:11

kéltaqmelchessegkek axta m'a sekxók axta kélcheneykekxo, keñe mók ekhem ekteyapma m'a aqsok aktek kélcheneykekxa. Wa'ak sa' agkok ekmaso m'a aqsok kélcheneykekxa nak megkamowánal'a kaltektépekxa', kasók sa' ma'a aqsok kélcheneykekxa.

Isaías 49:4

Keñe axta ko'o ektéma élchetamso ewáxok se'e: “Chaqhémok sektamheykencha'a, eksawhomakyek sekyennaqte meyke sekwete xama aqsok.” Naqso' eyke aptaqmelchessama Wesse' egegkok ma'a ekyókxoho aqsok sélane nak chá'a, yetneyk ekyaqmageykekxa sektamheykha m'a aphakxa nak Dios ahagkok.

Jeremías 12:13

Apkeneykegkek hótáhap, keñe apnakxeykegko menóke; eyaqhémo temégweykmok ma'a ekyókxoho apkeltamheykha nak. Ántawók ekyexna aqsok kélcheneykekxa, eñama seklómo ahagko' ko'o.”

Oseas 2:11

Amasséssessók sa' ekpayheykekxa awáxok, tén han ma'a élsawássessamókxa nak chá'a, tén han ma'a pelten aphaxnagkok, tén han ma'a ekhem sábados, tén han ma'a ekyókxoho élsawássessamókxa nak chá'a ekhem.

Levítico 26:4

wáphássesek sa' ko'o ekmámeye ekweyktamxa nak chá'a ekhem, keñe sa' xapop tén han ma'a yenta'a élaqnéyak nak yókxexma, keyxek sa';

Habacuc 2:13

Wesse' egegkok ekha apyennaqte sa' etnéssesek eyaqhémo m'a kéltamheykha nak, tén han kélwasqapma, hakte táxa sa' kamasséssók ma'a ekyókxoho aqsok kélláneyak nak.

Hageo 2:16

kaxén kélwáxok ma'a kéltémakxa axta, apxegkek axta agkok chá'a kélxama emáwhok elwakxak ma'a veinte hótáhap apaktek kéláncháseykekxa, diez axta aqsa chá'a elwetágwakxa'; apmeyákxeyk axta agkok han chá'a kélxama m'a élánamáxchexa nak vino, yaqwayam ellánésagkok cincuenta yátegwáxwa, veinte axta aqsa chá'a éta'.

Deuteronomio 11:17

hakte eltaqnaweygkok sa' kéxegke Wesse' egegkok kéltáha enxoho xa ektáha nak, megyáphássesek sa' chá'a m'a ekmámeye; keñe sa' xapop megkeyxnések chá'a m'a aqsok kélcheneykekxa, kaxwók sa' nahan kéxegkáxa kólmassegwók ma'a xapop ektaqmalma apmáheyókxa nak egkések ma'a Wesse' egegkok.

Deuteronomio 28:18

Apqántawók sa' etnehek ma'a kélketchek, ántawók sa' nahan katnehek ma'a aqsok kélcheneykekxa nak, tén han ma'a étkók nak ma'a weyke kélnaqtósso, nepkések tén han ma'a ekyókxoho aqsok kélnaqtósso nak eñama apkeltaqnawéyak ma'a Dios.

Deuteronomio 28:42

Enaqtawasha sa' sawa' ekyókxoho m'a yenta'a élyawe tén han ma'a aqsok ekyexna ekyetna nak ma'a kañe' xapop kélagkok.

Deuteronomio 32:22

Eklókók ahagko' ko'o, máxa táxa eyáléwe táhak seklo, kawomhok sa' élwatno m'a kañók agko' nak xapop. Kawatnek sa' ma'a xapop tén han ma'a aqsok ekyexna kélcheneykekxa nak, alwatnek sa' ma'a awhók kañók agko' nak ma'a meteymog élwenaqte.