Levítico 22:2 - Biblia Enxet

² “Eltennés sa' Aarón, tén han aptawán'ák neptámen, etaqmelcheshok chá'a m'a aqsok élpagkanamaxche', sélpagkanchesso nak chá'a ko'o m'a israelitas, yaqwayam enxoho megyetsagkasek ma'a sekwesey ekpagkanamaxche'. Ko'o sekteme Wesse'.

Levítico 22:2 交叉參考

Esdras 8:28

Keñe axta sektáha séláneya s'e: “Kélpagkanchásexcheyk kéxegke m'a Wesse' egegkok, ekhawo han xa aqsok kélmeykegkaxa nak. Wesse' egegkok apagkok ma'a sawo ekmope élmomnáwa, tén han ma'a sawo élyátekto élmomnáwa nak, cham'a Dios apagkok nak ma'a ẽlyapmeyk.

Éxodo 13:12

kéméxcheyk sa' kólmések chá'a kélyókxoho m'a apkemha apmonye' appalleyam nak kélketchek apkelennay'a tén han ma'a ekyókxoho émha amonye' ekpalleyam étkók nak kélnaqtósso kelennay'a, hakte Wesse' egegkok apagkok xa.

Éxodo 28:38

Keytek sa' chá'a ekpayhakxa nápat nak ma'a Aarón, emekxak sa' Aarón ekyókxoho m'a aqsok apkelánéyák nak chá'a m'a israelitas megyaqhémo nak chá'a ektémakxa m'a aqsok élpagkanamaxche, tén han ma'a appagkanchesa enxoho chá'a m'a aqsok segkésso naqsa nak ko'o; sa' eyke kañék chá'a sekma takha' aqsok segkésso naqsa m'a aqsok ekpayhe élyenma ekyetno nak ekpayhakxa nápat, ko'o sektáha nak Wesse' kélagkok.

Isaías 52:11

¡Kólántép kaxwók Babilonia, kólántép, nágkólpaknegwomho kaxwók xama aqsok ekmanyása, kólántép kaxwók Babilonia! ¡Kólmópesaxkoho kaxwo' kélseykha nak chá'a m'a aqsok kélmeykegkaxa apagkok nak ma'a Wesse' egegkok!

Ezequiel 44:8

Megkólláneykegkok nahan chá'a m'a aqsok élpagkanamaxche ahagkok séltémo axta chá'a kóllána', kélméssegkek aqsa chá'a yaqwayam elanagkok ma'a énxet'ák megkatnaha nak kélókxa xamo'.’

Levítico 15:31

Cháxa peya sa' kólyetnakhássesek kéxegke ekmanyása apyempe'ék ma'a israelitas, yaqwayam enxoho meletsepek eñama apkelpeysegkesso m'a sekhamakxa nak chá'a ko'o nepyeseksa.”

Levítico 18:21

“Ná egkés xama enxoho apketche yaqwayam etnehek apmésso naqsa m'a dios Moloc. Ná etnésses etwasha sekwesey xa ektáha nak, ko'o sektáha nak Dios apagkok. Ko'o sekteme Wesse' kélagkok.

Levítico 19:12

“Nágkólteme nahan chá'a kélmowána amya'a kólxének kóllának aqsok yetlo kélmeykha sekwesey, hakte kóltawasha katnehek apwesey Dios kélagkok. Ko'o sekteme Wesse' kélagkok.

Levítico 20:3

Wanmexek sa' ko'o xa énxet nak, atekkesek sa' nepyeseksa énxet'ák apagkok, eñama apkenyetsésso m'a kélpakxanma appagkanamap ahagkok, tén han aptawáseykha m'a sekwesey ekpagkanamaxche' apkelméssama apketchek ma'a dios Moloc.

Levítico 21:6

epagkanchesakpohok apagko' sa' aqsa m'a Dios apagkok, metwássesha sa' nahan ma'a apwesey, hakte cháxa apkelmésso chá'a m'a aqsok kélmésso naqsa kélwatno, tén han kelpasmaga m'a Dios apagkok, kéméxcheyk etnahagkok chá'a apkelpagkanamap.

Levítico 22:1

Aptáhak axta Wesse' egegkok apcháneya Moisés se'e:

Levítico 22:32

“Nágkóltawasha sekwesey ekpagkanamaxche', keñe sa' ko'o hélteméssesek sekpagkanamaxche nepyeseksa nak israelitas. Ko'o sekteme Wesse', sélpagkanma axta ko'o kéxegke,

Números 18:32

Kélpenchessek sa' agkok chá'a sélyetnakhássesso m'a ektaqmelakxa agko' nak chá'a aqsok, kélwanchek sa' kóltók ma'a éleymomáxche nak meyke kéllane megkólya'assáxma; keñe sa' megkóltawasha chá'a m'a aqsok sélmésso naqsa élpagkanamaxche sélmésso nak chá'a ko'o m'a israelitas, keñe sa' megkóletsepe'.’”

Deuteronomio 15:19

“Elpagkanchesek sa' chá'a Dios Wesse' apagkok ma'a ekyókxoho émha amonye' ekpalleyam nak chá'a étkók kellennay'a m'a weyke apnaqtósso essenhan ma'a nepkések nak. “Ná egkes aqsa chá'a ektamheykha m'a émha amonye' nak chá'a weyke étkok aptósso, ná eyesés nahan chá'a m'a apkemha apmonye' nak nepkések apketkok aptósso.