Jueces 5:5 - Biblia Enxet

⁵ Kelyawheyha axta egkexe nápaqtók xép Wesse' egegkok, yawheykha axta egkexe Sinaí nápaqtók xép Dios nak Israel.

Jueces 5:5 交叉參考

Salmos 104:32

Kalpexyennók chá'a xapop apkelano enxoho chá'a; ¡kalpaqnek chá'a néten egkexe apkelpaknegwokmoho enxoho chá'a!

Salmos 114:4

¡Kelnextegeykha axta néten ma'a egkexe ektémól'a nepkések apkelennay'awo, kelnextegeykha axta néten ma'a meteymog élwenaqte aptémól'a nepkések apketkók!

Salmos 68:8

yawheykha axta xapop, máméyak axta han ekyawe agko', kelpexyennamomchek axta apmonye' m'a Dios nak Sinaí, cham'a Dios nak Israel.

Salmos 68:9

Oh Dios, apmáméssegkek axta exchep ekyawe agko'; apkelyampayók apagko' axta m'a énxet'ák apagkok, apkelmeyáseykekxeyk axta eyke exchep apkelyennaqte.

Salmos 97:5

Máxa pápa' chá'a katnehek kalpayhekxak nápaqtók Wesse' egegkok ma'a meteymog élwenaqte nak, nápaqtók ma'a apagkok nak ekyókxoho keso náxop.

Éxodo 19:18

Paqneyk axta nahan ekyókxoho m'a egkexe Sinaí, hakte apweywenteyk axta Wesse' egegkok apkenegwa'akto m'a neyseksa táxa eyáléwe. Meyákxeyk axta néten ma'a éten ektémól'a m'a táxa axagkok, kelpexyennegkek axta nahan ekyennaqte agko' ma'a egkexe nak.

Éxodo 20:18

Apyókxoho israelitas axta nahan apteme apkelweteykegkoho m'a takha' appáwà axta tén han ma'a apkelyenmayam axta, tén han ma'a ekpáwà axta kélaqkahasso, tén han ekhaxnencheykmo axta éten ma'a egkexe nak; apkelakak axta eyke, apchaqnágwa'ak axta aqsa m'a makhawo'.

Isaías 63:19

Máxa entemék metnama enxoho exchep Wesse' egegkok, máxa entemék mantéma enxoho énxet'ák apagkok.

Nahúm 1:5

Kalpexyennók chá'a apmonye' m'a meteymog élwenaqte nak; kalpayhekxak chá'a apmonye' m'a xapop élekhahéyak nak. Kayawheykha chá'a xapop ekwet'a enxoho; tén han ma'a ekyókxoho yókxexma nak keso náxop, ekweykekxoho m'a ekhéyak nak awáxok.

Habacuc 3:10

Kelpexyennegkek han meteymog élekhahéyak ekwet'a; wéweynteyk han mámeye ekyawe agko' eñama m'a néten, páweyk han awáxok ma'a wátsam ekmattawóneg agko' nak, kelnextegkessek élyaqyahayam élyawe agkok.