4 Aptáhak axta m'a levita, atáwa' axta m'a kelán'a étsapma nak: —Ekwa'akteyk axta ko'o yetlo kelán'a sekmeykha naqsa m'a tegma apwányam Guibeá, apheykegkaxa nak Benjamín énxet'ák apagkok, yaqwayam enxoho atyenek axta'a m'a.
Apkelleg'ak axta amya'a Benjamín énxet'ák apagkok apchaqnákxo pók israelitas ma'a Mispá. Apkelmaxneyáha axta israelitas ma'a levita, ektémakxa axta aqsok ekmaso agko' apwete.
Keñe axta xa axta'a nak, apwakhékxo tegma m'a énxet'ák apheykha axta m'a tegma apwányam nak apmako heyaqhek ko'o, aptawásegkok apagko' axta han apteméssessekmoho exma m'a kelán'a sekmeykha naqsa, keñe étsapa.
