Jueces 13:8 - Biblia Enxet

⁸ Tén axta Manoa aptáha apcháneya Wesse' egegkok apkelmaxneya s'e: “Wesse' ahagkok, éltamhók eykhe ko'o yáphásekxak makham neghágkaxa xa énxet nak, yaqwayam enxoho hẽltennaksek eyeyméxchexa negko'o anteméssesek ma'a sakcha'a peya nak etyamok.”

Jueces 13:8 交叉參考

Job 34:32

Hexekmós ko'o aqsok magwaqhémo mataya nak. Asagkek sa' agkok ko'o aqsok sélane, malánekxók sa' chá'a”.

Jueces 13:11

Apchampákxeyk axta néten Manoa apyetlákxo aptáwa' m'a apkenmágkaxa axta m'a énxet. Aptáhak axta apcháneya s'e: —¿Xépya appaqhetchesa axta etáwa' m'a mók ekhem axta? Keñe axta aptáha apchátegmowágko m'a énxet nak: —Éhay, ko'o.

Jueces 13:3

Apxekmowásekpók axta eyke Wesse' egegkok apchásenneykha m'a, aptáhak axta apcháneya s'e: “Megkateyk xeye étche xama enxoho, lósók sa' eyke katnehek kaxwo'. Kótak sa' xama étche apkenna'.

Jueces 13:6

Keltennássekxeyk axta atáwa' m'a kelán'a. Axta entáhak eyáneya s'e: “Xama Dios énxet apagkok xeyk ey'awak sekhakxa, etlakkásawók ahagko' han, hakte máxa eykhe m'a Wesse' egegkok apchásenneykha. Malmaxneyáha han yaqsak kexa énxet, meheltennásak han ko'o m'a.

Jueces 13:7

Wánxa aqsa aptáha seyáneya ko'o apxéna ótak xama hatte apkenna'. Keñe han apxéna keso kaxwo' nak meltamho eynek vino, tén han ma'a mók anmen ekyennaqte nak, keñe han meltamho atwok ma'a aqsok élmanyása, hakte apxénchek xeyk sakcha'a etnehek appagkanchásamap ma'a Dios yaqwayam etnehek nazareo, amonye' aptéyam, tén han ekwokmoho apketsapa.”

Jueces 13:9

Apleg'ak axta Dios aptáhakxa apkelmaxnagko m'a Manoa, apxekmowásekpekxók axta makham apchásenneykha m'a kelán'a, neyseksa ekha yókxexma. Méko axta eyke Manoa m'a,