Jueces 13:5 - Biblia Enxet

⁵ kótak sa' xama étche apkenna', megkalyaqténchesek sa' han apwa' xama enxoho, hakte epagkanchesakpok sa' Dios xa sakcha'a nak, yaqwayam etnehek nazareo amonye' aptéyam, yaqwayam sa' etnehek apkelwagkasso teyp israelitas, neyseksa apkelma m'a filisteos.”

Jueces 13:5 交叉參考

2 Samuel 8:1

Keñe axta natámen xa, apmenxena David ma'a filisteos, kóneg axta aptemessásekxa', apyementamákxeyk axta m'a ektémakxa axta apkeláneykha apchókxa'.

1 Crónicas 18:1

Keñe axta natámen xa, apmenxena David ma'a filisteos, kóneg axta aptemessásekxa', apyementamákxeyk axta m'a tegma apwányam Gat, yetlo m'a tegma apketkók apagkok.

Amós 2:11

Israelitas, élyéseykha axta nahan ko'o kélnepyeseksa kéxegke kélketchek sektemessáseykegko apkellegasso sekpeywa, keñe nahan nápakha nazareos.” Wesse' egegkok apxeyenma xa.

Números 6:5

Yawanchek sa' nahan kalyaqtennagkok áw'ák, kohok sa' aqsa chá'a kalwegqak, ekwokmoho ekwagkasa néxa m'a élxeyenmakxa katnégwók néxa, kalpagkanchesaxchek sa' aqsa chá'a m'a Wesse' egegkok.

Jueces 16:17

tén axta apkeltennasa aqsa Dalila m'a ektémakxa apyennaqte: —Méko ko'o sélyaqténchesso éwa' xama enxoho, hakte ekpagkanchásamaxcheyk axta ko'o Dios yaqwayam atnehek nazareo, amonye' axta sektéyam. Élyaqténchessek agkok ko'o éwa', kamaskok sekyennaqte, meyke sekyennaqte atnehek, ektéma nak chá'a énxet.

1 Samuel 1:11

Entáhak axta eyáneya s'e: “Wesse' egegkok ekha nak apyennaqte: Apkelanawók sa' agkok xeyep ektáhakxa eklegeykegkoho s'e apkeláneykha nak, ná hélwánaqma aqsa ko'o, hegkés sa' xama sakcha'a, ko'o sa' agkések yaqwayam etnehek apchásenneykha, megkólyaqténchesek sa' nahan apwa'. Sa' katnehek megkatnatchásamáxche xa ektáha kélteméssesso appagkanamap.” Naqsók xa sektáhakxa nak seyáneya.

1 Samuel 7:13

Apmenxenamakpek axta filisteos, massémók axta han apkelántaxnegweykta m'a israelitas xapop apagkok; apkelenmexmeyk axta Wesse' egegkok ma'a filisteos, apyennaqtamakxa axta m'a Samuel.